「在葡萄牙主帥出席新聞發佈會後，我與葡萄牙足總主席進行了直接對話，隨後我決定離開國家隊集訓營。
在適當的時候，我會向所有葡萄牙人民交代真相，揭露導致我離開這支從第一天起就全力奉獻的國家隊背後真正原因。
現在，是時候祝願葡萄牙以及我所有的隊友——毫無例外——一切順利。」
葡萄牙上場對挪威，41歲C朗18年來首次坐足全場冷板，事件引發重大危機，據報葡萄牙足總主席柏度普安卡急飛哥本哈根，同C朗及主帥佐治捷西斯召開「三方會談」，擺平事件。
葡萄牙傳媒報道，原來上場C朗坐足全場冷板，係佐治捷西斯先反口，佢賽前向C朗承諾，會畀C朗踢30分鐘，但最終冇派佢落場，C朗賽後直接返入更衣室，冇向球迷致謝。
佐治捷西斯賽後表示，因為當時球隊領先，需要一名有足夠活力前鋒在前場牽制，先至冇派C朗落場。
不過佐治捷西斯此舉觸怒C朗，C朗周一缺席操練，周二C朗僅在訓練場現身，並無操練，知情人士表示，C朗同佐治捷西斯其後在酒店交談，佐治捷西斯向C朗解釋當時冇派佢落場原因。
另邊廂，葡萄牙足總主席柏度普安卡為免事情惡化，緊急飛赴丹麥哥本哈根，同C朗及佐治捷西斯召開「三方會談」。
![[sosad]](/faces/sosad.gif)
![[369]](/faces/369.gif)
![[sosadgood]](/faces/sogood.gif)
![[sosad]al](/faces/alpaca/sosad.gif)
![[banghead]](/faces/banghead.gif)