以前年代讀唔成書，經常聽上一輩講呢行撈唔掂未試下做第二行囉，只要肯放下身段接受低人工，有手有腳肯學肯做，點都會請嘅。宜家年代幾乎無聽過有人咁講，每一個行業嘅野都愈黎愈精，唔係有手有腳肯學肯做就請。
宜家只要讀書時期揀錯科，出黎做野入錯行，基本上好難再轉行（有父幹果啲另計
）。成個環境樣樣野都要精，試錯成本係非常大。
聽上一輩講以前嘅有前途係做醫生，律師。呢啲係舊時大眾認為嘅有前途嘅工。其他工種好少聽上一輩談及，我嘅理解係因為大部份都係只要人正正常常，有手有腳，肯學肯做，就會請你邊做邊學，唔會介意你曾經做過啲工。
對比宜家，除左大學基本學歷之外，樣樣行業都要好多證書。即使話我讀唔成書，肯出黎做基層工，好多都要乜乜經驗，乜乜資格，識好多硬軟件，就快連洗廁所都要證書
![[sosad]](/faces/sosad.gif)
。
可能你會話宜家有好多咩課程，讀唔成書都可以讀嘅姐，咁唔係反而增加左職業流動性咩？概念上係啱嘅，不過呢到係2026年嘅香港
，當有接近無限嘅人口衝入黎你原本嘅地方，自身嘅流動性反而仲低左。因為人多工少，你每次學習一樣新野嘅同時，就要付出更大嘅潛在成本。
宜家感覺成個環境就好似打機玩到一半無得轉職玩落去咁，想轉職就一定唔侵你玩，咁嘅環境仲邊個想參與，最後就係人人棄Game。
