「人情」到底應該封幾多？本港有新娘日前在社交平台投稿訴苦，指自己與丈夫在五星級酒店Rosewood（瑰麗酒店）擺酒，豈料一位平日愛「扮中產」的「好姊妹」，竟然只封了 $1,000 元人情，令她深感不忿，更猶豫應否直接向對方「追討差價」。《星島申訴王》訪問了婚禮策劃師 Kenson Wong，他指出坊間所講的「公價」或「市價」從來不是硬性規定，新人亦不應抱著「回本」或賺錢的心態來辦婚宴。 

豪擺五星級酒店  不滿姊妹淨封$1,000人情

涉事新娘在投稿中表示，她與丈夫在瑰麗酒店（Rosewood）舉辦婚宴，早於半年前已邀請該名「好姊妹」出席。她形容，對方平時外出用膳打卡，總愛表現出中產作風，豈料婚宴後點算人情，赫然發現對方僅封了兩張$500元紙幣，總額為$1,000元。

新娘極為不滿直斥：「Excuse me？依家2026啦，仲有人封$1000去五星級酒店飲？我哋per head成本都幾千啦！你封$1000即係要我貼錢請你食飯？」她更指，若對方手緊大可選擇不出席，但該名「好姊妹」不僅盛裝到場狂打卡，離開時更「擸走多盒Godiva回禮」，新娘直言：「吞唔落呢啖氣」，並猶豫應否直接發送收款鏈接以追討差價。  

網民直指新娘 做法「肉酸」

帖文隨之引發大量網民熱議。不少人指出，從未有規定要求賓客需為新人分擔婚宴成本，紛紛質疑：「咁在意成本，點解唔揀平啲嘅場地？」、「新人收支平衡關賓客咩事？」、「人哋抽時間嚟出席，仲要俾人情㗎」。

有網民認為事主不應向對方追討差價，此舉只會損害自身形象。既然新人選擇在Rosewood擺酒、並以Godiva作回禮，想必是注重體面之人，為區區數百元換來別人背後議論一生，最終只會輸掉風度與名聲。

婚禮策劃師：人情從來唔係「回本」工具
婚禮策劃師Kenson Wong表示，Rosewood雖屬香港頂級奢華酒店，但人情金額仍應以交情、經濟能力及真誠祝福為本，量力而行即可。他直言：「相熟閨蜜在乎的是出席陪伴，而非紅包厚薄。過分計較公價，只會令祝福變質成算計。」

Kenson續稱，婚宴開支各有不同，根本無法訂立「補差價」的統一標準。每家酒店、餐廳以至不同時段的收費均有差別，即使在同一場地，選用不同食材亦會影響成本。他強調，婚宴每個細節都是新人悉心為賓客準備的款待，實際開支僅新人自己最清楚，因此「難以用一個固定金額去衡量，宴客的核心是邀請親友分享喜悅，而非抱著回本或賺錢的心態來籌辦婚禮。」 

此外，Kenson不贊同為「人情公價」設立硬性框架。隨着現代婚禮形式日趨多元，如酒會、草地婚禮、跨國線上直播等，已打破傳統晚宴的固有模式，令所謂的「公價表」逐漸失去參考意義。他強調，婚禮的真正價值從來在於愛與分享，而非數字比拼。

來源網址 : 星島申訴王瑰麗酒店擺酒好姊妹封-1000人情-新娘網上公審想叫佢Payme補差額 | 星島頭條
https://www.stheadline.com/voice-topics/3595725/

誤娶八婆, 佢老公有排捱

是否故仔?

你請飲呀
係請呀
夾人情就真係人情
唔係老奉呀

瑰麗酒店擺酒應該2萬元圍, 人均起碼2千啦, 公價人情朋友好似會比5千

直接賣飛啦，明碼實價

佢又要面，要擺靚5星，真係諗住人人出幾千，夾錢畀妳扮富豪擺酒咩？
佢個fd既然係打咭人仕，擺明又係充大頭，孤9寒架喇。
2個都係一9樣。

全世界係咪得香港先咁奇怪
有人會有搞婚宴要回本呢個諗法

市儈。

結個婚都咁辛苦，開房扑嘢，扑完休番條褲走好過

2千蚊我去半島酒店食自助餐唔好？仲要食到兩次

我去飲從來都唔係睇公唔公價，係睇同主辦人個關係

年年都有幾單上連登/threads

中國*

99% AI 故仔

點解女人結婚後吸引力大降
原來衰響擺酒呢PART

做法「肉酸」
講真追唔係乜問題, 錢好現實,1蚊就係1蚊,冇話肉唔肉酸,冇錢仲肉酸.你不仁,我不義.
但追係咪就追到,好姊妹實唔會畀啦,你唱佢佢實同你反枱.

呢啲用個屎忽諗吓都知咁樣講出黎會被人反公審就知肯定係引戰Post啦。

本來係要人黎分享喜閱
但根本就冇乜喜閱要分享.

毒撚成世都無咁既機會

涉事新娘在投稿中表示，她與丈夫在瑰麗酒店（Rosewood）舉辦婚宴.....

今時今日，有冇人會咁撚無聊，去星島申訴王投拆人情唔夠呀......

唔好擺，唔好結，唔好生，

單純滿足老人家 個個擺完酒第日講番都覺成件事無謂盞搞 所以搞新派/西式啲果啲仲on9 老人家都滿足唔到

有咩公價
比幾多
隨心啫

結婚賺左好多