自從 codex 面世後，程式員集體貶值成為了事實。我已經越嚟越唔想返工。
冇錯，我用咗 AI 可以開發得比較快，但係我開發得快嘅終極目的係想等自己舒服啲。
我本身返呢一份工，就係想諗住 Hea。
但係假如個老闆，個 client，佢哋都同我講: 「我係 expect 你都係 gen 出嚟啫，我唔係 expect 你自己寫㗎，做兩日起到貨啦，做一個禮拜咁耐咩？你唔好諗住 Hea 我喎。」
咁久而久之，公司做 AI WORKFLOW 嘅急單越來越多，我唔單止冇舒服到，而且仲越做越冇癮囉。
自從 AI 面世之後，我反而冇得 Hea？
我當初之所以有得 Hea，係因為我本身有純熟嘅 tech stack，成功引入咗令到公司某一啲流程更加自動化，咁我就名正言順地 hea 。
Codex 的出現，令到我呢一堆 Tech stack 突然之間變得唔值錢。人人都可以隨時做得比我更加好嘅 Automation 出嚟。我突然之間就覺得公司要我何用。老細最終都係信 codex 而唔係信我，假如發現我冇用好 Codex，我分分鐘仲會俾人屌我浪費時間，屌我自己諗，屌我唔叫 codex 幫我諗。
所以我覺得，我都係時候了。
