巴西球星尼馬同妹妹 Rafaella 感情深厚，多年來一直有個「都市傳說」，就係每逢 Rafaella 生日前後，尼馬都會因受傷或者停賽而缺陣，令佢有機會放假同最錫嘅阿妹慶祝。3 月 11 日係 Rafaella 嘅 30 歲生日，尼馬「果然」因傷患問題而免役！

山度士喺周三(11 日)作客米拉索，尼馬因肌肉問題缺陣，山度士表示尼馬並冇受傷，唔上陣只係出於「預防受傷」考慮。呢個決定就引起球迷無限猜想，事關尼馬自 2014 年開始，近 12 年來第 10 次喺 3 月 11 日前後嘅比賽缺陣，當中包括 2 次停賽同 10 次受傷，相當巧合。

對於「射波慶生」嘅傳聞，尼馬之前曾經公開回應：「好多人都好鍾意創造一啲理論加喺我身上。我比賽受傷係我嘅錯、照顧自己健康係錯、帶傷比賽又係錯，總之我做乜都唔啱，佢哋仲要覺得自己掌握真相......天呀！」

德國骨科