C 朗同馬天尼斯關係要好。

葡萄牙喺世盃首仗被剛果民主共和國逼和，隊長 C 朗拿度演出令人失望，但仍然踢足 90 分鐘，領隊馬天尼斯嘅決策備受批評。風雨聲中，再有媒體爆出震撼消息，馬天尼斯正同 C 朗效力嘅沙特冠軍艾納斯斟介，世盃後接任主帥一職，令人質疑佢只係 C 朗嘅「跟班」！

西班牙領隊馬天尼斯同葡萄牙嘅合約喺世盃後完結，續約一直未有着落，法國媒體《RMC》同葡萄牙《球報》齊爆料，馬天尼斯正同艾納斯斟介喺世盃後接手，如果成事嘅話，馬天尼斯會同 C 朗、祖奧菲歷斯兩位葡萄牙世盃國腳繼續合作。

有趣嘅係，艾納斯買球員同請邊個執教，C 朗都擁有決策權，上季帶領艾納斯奪冠嘅佐治捷西斯就曾證實，上年係 C 朗親自打電話請佢執教。依家馬天尼斯成為艾納斯目標，肯定要先得到 C 朗首肯，亦解釋到馬天尼斯點解「偏心」C 朗，喺一片爭議聲中仍對佢委以重任。



原文：馬天尼斯密斟教艾納斯　做 C 朗跟班？ | on.cc 東網 | 體波