步兵對前線用嘅自爆fpv對策亦有，叫散彈槍/網彈，啲彈拆爛咗個摩打/老母板/機架已經失去操控
烏克蘭同俄佬都有整個外掛件落步槍做緊急保命用嘅防空裝置，但fpv無人機本身就係識飛嘅手榴彈，要俾佢炸死嘅點都係被炸死
亦因爲咁，個戰場形態由冷戰發展嘅機動部隊衝鋒到遙距陣地戰，邊一方無人機群失去足夠探知力就變咗近似一戰嘅現代戰壕戰，不過呢個都係有賴於烏克蘭平地多嘅特質先出現
唔好諗到無人機真係咁勁......有個美軍將領講過，而家無人機佔優，係因為呢種戰術太新，各國未有足夠經驗應對，但過多幾年，各國都會建立正式嘅反無人機體系，到時無人機戰術就會同其他常規戰術一樣，進入攻守嘅無限拉鋸。
俄烏戰爭入無人機戰係進入咗有線操控呢個返祖現象
因爲互相jam爆，除非個地帶唔係激戰否則嗰個機都好似風箏咁有野牽住個操控端
冇得有線嘅遠程無人機對策就係行AI偵察目標同算式修正導航，而對策嘅對策就係用無人機對付返無人機，或者返祖地用高射炮
銀彈方案亦有，嗰個叫激光兵器（銀碼低，敏捷過純彈頭，回氣速度亦快）
但激光可以一次過瞄準幾多部?
![[sosad]](/faces/sosad.gif)
唔得
激光要聚焦幾秒 打單體
又容易受天氣影響 通常係最後執漏
電子干擾+無人機＞微波+機炮＞激光
激光營運上嘅成本就係電費，電動炮塔同個發光源嘅消耗
單純營運而唔考慮耐用同前置成本下，真係可以平過幾十粒高射炮彈或者一部高速fpv無人機
咁有錢啲嘅國家，擺幾個喺政府大樓天台其實做到同防空炮一樣嘅物量作戰，咁已經令玩火箭炮/無人機飽和作戰嘅人牙煙（況且邊會咁多地方成日沙塵暴/濃霧呀）
烏克蘭冇做咁多呢味野，唔係因爲無錢冇技術（佢哋有做過亦應用過），就目前環境唔夠成本優勢（基建都唔夠電仲要俾佢用一忽？），同被攻擊目標個嘅唔係太散就係唔值得用佢死守。
![[369]](/faces/369.gif)
![[banghead]](/faces/banghead.gif)