單立文驚爆與豹嫂長達12年冇性生活！尋求性治療師：係咪可以考慮離婚？
由曹永廉、蕭正楠、吳若希及車婉婉聯手主持的TVB綜藝節目《夫妻肺片》，逢周一至周五晚10點30分於翡翠台播映。昨晚（12日）節目迎來最後一集，邀請到麥長青（麥包）、單立文（豹哥）、麥玲玲、羅泳嫻（裸泳）以及二度登場的賴慰玲（阿賴）擔任最後一組「星級戰友」嘉賓，大談夫妻相處之道。
爆笑發動「廢噏大法」 語出驚人考起性治療師
在節目與專家性治療師何慕詩（Cynthia）深入探討夫妻性生活時，向來幽默的豹哥（單立文）突然發動其「天花板級九唔搭八」的廢噏技能，接連拋出多個無聊語錄，令專家相當無奈。他先是無厘頭問道：「性交係咪可以轉運？」隨後又奀皮地兜圈笑稱：「唔係，我係想問『姓交』係咪可以轉運啫」，接著再追問：「如果唔係有心冇力，係冇心有力咁會點？」
驚自揭12年冇親熱 抱怨「要開07好煩厭」
隨後，豹哥更在節目中突發驚爆，自揭與太太胡蓓蔚（豹嫂）已長達12年沒有性生活，直言：「我十二年都冇。」
他隨即解釋背後原因，坦言如果經常親熱，反而會產生一種很煩厭的感覺，更無奈大呻做電視台的辛酸：「我第二朝開07（早上7時正通告）喎！」語音剛落，他更轉向專家 Cynthia 搞事發問：「我係咪可以考慮離婚呢？」內容既大膽又啜核，令身旁的主持車婉婉忍不住邊笑邊大讚：「豹哥得喎！」
![[sosad]](/faces/sosad.gif)
