是咁的
話說就有個男仔想追我
係某個 family friend 聚會上
個男仔見完我第一次之後
就無啦啦約咗我同我屋企人一齊食飯
一開始佢表現都正正常常，我以為佢只係想同我地屋企結交，結果喺第三次見面嘅時候

佢就約我單獨去屯門一間餐廳食飯
呢個時候我就開始淆底了，我冇呢個心理準備 但我屋企人又冇反對
叫我去咪去囉，有咩好驚？
然後就係呢個無謀嘅決定演變成之後嘅悲劇

佢約咗我去一間舊舊哋嘅餐廳食飯，但各方面都正正常常 食飯過程算係有講有笑，但對佢實在談不上有 feel 埋單嘅時候我打算俾錢，唔想欠佢人情，大家推讓咗一下之後佢對我使出咗一個好凌厲嘅眼神，我嚇到下意識鬆手，就俾佢搶走我銀包 然後佢就格硬埋咗單，話要我下次先再請返佢 ok well，係好傳統嘅約會招式，強行創造一個再見面嘅理由

呢個就係我最擔心發生嘅狀況！！！
食完飯我諗住走佬，點知佢話想去屯門黃金海岸個海邊行吓 我心諗行乜 9，中學生啊？？？ 所以諗住搵藉口走，點知佢又嬲咗 話自己已經一早帶咗拖鞋同毛巾，唔係唔俾面佢下話 仆你個街洗唔洗準備得咁充分？？？

你準備埋 c-01 表格啦不如 然後我就換咗佢對拖鞋

一路行我一路心諗你千祈咪 L 表白
然後行到一半嘅時候條友突然踎低咗 我 diu 你唔 L 係啊？ 連告白都唔係而係直接求婚？？？ 佢望住個海，然後問我知唔知海有幾深

我鬆咗一口氣，哦，常識題啫
我諗咗一諗，答咗個鳩嘅答案
然後佢就話：好似我對你嘅愛咁深！！
癡線我嚇到汗都標埋出黎，有少少驚恐症發作 我扮傻咁話：咦，歌詞嚟架？ 哈哈

然後就狗衝返去佢架車度 而事實證明呢個狀況下仲選擇走去佢地頭係一個極致嘅失誤
佢跟埋上車，仲鎖死埋車門，然後掏出了條毛巾幫我抹腳 我心跳快到睇野都有啲模糊

然後條友見到面紅心跳（因為缺氧）似乎十分滿意，然後從後座攞出咗一扎花
喂大佬啊你唔好玩串個 party 先得架！！！

我今次真係唔 L 識兜，個腦一片混亂 ：哇新鮮花喎，父親節送比爸爸啊？ 哈哈哈....
然後佢好似都 get 到我係完全唔受溝
成程車我哋一句話都冇講到就返咗屋企啦，然後我地一排都冇講過野
直到同佢妹妹傾計先知，我原來係佢初戀嚟

佢都係第一次中意男人

唔想受溝，應該車都咪上佢

自己搭巴士走人

佢都係第一次中意男人





呢d潮文都幾撚好笑

基

實在談不上有 feel