現場反應熱烈 近乎全面滿座 熱鬧程度不下酒吧
《香港01》記者今早10時到達，位於上環的蓮香樓。現場正轉播南韓對捷克的賽事。開局時茶樓人流、氣氣一般，但隨賽事推進，人流續漸增多，接近全場滿座，氣氛越來越熱鬧，而每當有球員策動攻勢，現場都會有人吶喊、拍手，熱鬧程度更不下於酒吧。
市民大讚氣氛「無得頂」 會繼續捧場
住在筲箕灣的韓國球迷鄺先生指，適逢今天休假，原本計劃找地方看球賽，得知上環蓮香樓有現場轉播後便特地前來。他認為，現場人流眾多，氣氛「無得頂」，「有啲知音人，咁又唔同嘅」，又指接下來的賽事亦會到蓮香「捧場」 。
不過他認為，茶樓人來人往，不時有茶客或店員會擋住電視，影響觀賞性，建議增設在電視屏幕，增設「畫中畫」方便現場觀眾觀看。
茶樓氣氛不輸酒吧 適合中年人士：起碼唔會飲醉
另一茶客林先生表示，今日湊巧經過附近，知道有轉播，所以特意前來「感受下」，「橫掂都要食早餐」，認為現場氣氛不輸酒吧；對於今屆世界盃賽事主要集中凌晨及清晨時份，林先生認為「剛剛好」，笑言「𡃁仔嘅時候梗係去酒吧啦，大家老咗好少去酒吧，要早啲訓，呢啲時間啱啱好」，「起碼唔會飲醉」。
打工仔到茶樓觀賽 對比酒吧感覺大不同：要返工唔通飲到面都紅曬咩
在附近上班的陳先生亦特意調早午飯時間，在10時許便到茶樓。他笑言，「無話蛇唔蛇王嘅，你平時食飯都係一個鐘頭多啲，睇場波差唔多啦」。
作為資深球迷的他表示，看了數屆世界盃，第一次早上在茶樓看球，笑言是「（賽事）時間逼成」。不過他認為，在茶樓看球感覺「幾特別」，「無理由朝頭早飲啤酒，我之後仲要返工，唔通飲到面都紅曬咩」。他又指，如果有機會會再到場觀看；另有球迷認為茶樓看球經濟實惠，「有得飲又有得食」，價格比酒吧便宜得多。
原文網址: 世界盃直播｜上環蓮香樓幾近爆滿 打工仔提早放飯讚茶樓睇波特別 | 香港01 https://www.hk01.com/article/60359581?utm_source=01articlecopy&utm_medium=referral
![[sosad]](/faces/sosad.gif)
![[banghead]fn](/faces/frown/banghead.gif)