老細最鍾意嘅，從來唔係最死衝爛衝嘅人
返工耐咗就知，死拼實力不如學識點樣同老細配合。老細最想要嘅唔係盲目死衝嘅「偽勤力」，而係以下呢三種省心、可靠嘅靈活打工仔：
1、頂得住大鑊嘢、唔推卸責任
職場最忌「有功即搶，有鑊即推」。老細真正睇重嘅，係出事嗰陣第一時間企出嚟話「我嚟搞」，而唔係忙住駁嘴死撐話「唔關我事」。你能力唔使最突出，但遇事唔慌、唔會推老細出嚟頂。幫老細解決到煩惱而唔係添亂，佢自然覺得你夠穩陣。
2、講嘢有交帶、聽得明人話
好多人做嘢鍾意一意孤行。老細明明叫你主力跟 A 項目，你偏偏自作聰明去搞 B 方案，做得再靚都只會被剷。真正討喜嘅人，老細交帶落嚟會即刻接招，仲會主動補句：「我跟進落去，有進度隨時同你匯報。」聽得明老細想點、唔會老奉駁嘴，比一味埋頭苦幹嘅人受歡迎好多
3、識睇眉頭眼額、有分寸感
呢種軟實力最吃香。老細需要你嗰陣你即刻喺度，唔需要嗰陣你絕不添亂。唔好無論老細忙唔忙，都夾硬湊過去死刷存在感，問埋啲無謂問題。老細開緊重要會議，你安靜喺隔離做好對接、唔亂插嘴，比你搶住表現更加分
返工拼到最後，拼嘅係「可靠」兩個字。做個令老細省心嘅人，升職加薪絕對快好多！
![[sosad]](/faces/sosad.gif)