有網民公屋新入伙，但卻被大門的「奇葩」設計考起，他昨日（8日）在社交平台發文指單位的大門與鐵閘安裝方向完全相反，令他每日回家都要上演一場「解鎖挑戰」，「扭曲隻手先插到條匙入去」、「開到隻手抽哂筋都開唔到」」，帖文引發極大迴響，留言曝光多條屋邨包括彩雲一邨、石圍角邨及勵德邨均有此特別設計。

該網民在facebook群組「公屋討論區」發相發文，指單位的大門與鐵閘安裝方向完全相反，令他不禁懷疑人生，直呼：「Day 1果日我問主任係咪裝錯方向。

真係勁難開...隔離左右又唔係咁。」樓主上載的相片可見，其單位的木門，門柄和鎖頭設於左邊，但是鐵閘的門柄和鎖頭卻設於右邊，方向相反。相片顯示開門時，鐵閘由右向左拉開後，木門的鎖頭位置仍被完全遮擋。這意味著，樓主伸手進去解鎖木門時，狹窄的空間令開鎖過程變得極度困難。

樓主無奈表示，每次開門都要「扭曲隻手先插到條匙入去」，形容過程艱辛，令他「開到隻手抽哂筋」。


帖文迴響極大，引起網民熱烈討論，大部分網民都認為是安裝出錯，「一睇就知裝錯啦」、「擺明裝錯咗囉」，樓主亦坦言：「common sense係咁，所以我一見到第一個反應都係以為裝錯」，甚至有網民質疑圖片是否由AI生成，樓主強調「真係唔係AI」。

不過，樓主透露向房屋署主任反映問題後，獲派工程部師傅上門跟進，但師傅卻另有解釋，樓主引述師傅的回應：「佢哋無裝錯，仲叫我落樓上樓下睇，又真係全部都係咁.......」。這個回覆令一眾網民嘖嘖稱奇：「原來大部份裝錯就即是沒錯。長知識了！」、「總之右手拉鐵閘就是正常，一睇就係裝錯啦！」

彩雲/石圍角/勵德邨現左右相反閘門 網民：最高級防盜？
雖然樓主未有公開自己居住在哪個屋邨，但帖文引來不少「同道中人」現身說法，有網民指出這種獨特設計其實並非孤例，在舊式屋邨如彩雲一邨、石圍角邨，甚至由房協興建的勵德邨均有出現，特別是一些處於「尾房」的單位，都會出現這種令人費解的門閘布局。

有自稱做過房署工程的網民則估計，可能是判頭將不同屋邨的閘門撈亂，「很明顯是拿錯安裝」，既然將錯就錯，便「全棟一起錯」。

有網民指這是「高級防盜」、「最新防盗設計」，因為「賊人都未必識入屋」，有網民則擔心實際問題，稱「急尿趕返屋企都唔知點算」，樓主也幽默回應「瀨都似」，更崩潰補充：「而家仲咁熱，成頭汗都開唔到，急屎就大鑊。」有網民更提醒如果沒帶鎖匙找人開鎖可能會被索取高昂費用，樓主即刻話「唔好嚇我啦」。

網民獻計教開門 過來人終極開解：住住下就慣
面對每日的開門挑戰，不少熱心網民紛紛獻計，有網民提議樓主先伸手入去開木門，再開鐵閘，樓主表示「要用鎖匙先開到」，不過亦聽取建議回覆「試下先」及「收到！試下先」。有網民特意上載相片，特寫了鐵閘底部的金屬門鉸和路軌位置，建議樓主試下鐵閘是否可以向自己拉出來打開，樓主見狀感激道：「試下先！唔該哂。」及後有網民再提到鐵閘左手邊有鉸，樓主回覆指「鐵閘左手邊有鉸，我摸到上下有一粒野，但撳落去又開唔到，要落去問下保安點操作至得」。

不過，有同樣面對此問題的住戶則表示，「初時唔慣，住住下就慣咗」，樓主聞言即時向這過來人虛心求教：「想問你有咩開門技巧？」。當另一位網民提到朋友兩星期前收樓也是同樣情況，樓主隨即連環追問：「同款閘嗎？『豆』邊個位？」以及「可以點搞？」。

https://www.stheadline.com/local-topics/3581133/ 581133/

所以班廢柴仲話加人工喎

門徒入面裝呢隻門 班差佬爆唔到門入去

理閪得你又加人工了

咁係咪開到門先，開到就收嗲

無錯？
左右掉轉都無錯？
你自已屋企會唔會咁裝？
依家係咪成棟樓都係咁裝？
究竟有無人驗收？

鍾意咁樣開門？邊間則樓出品.

房署:三重保護黎

尋晚夜，個上海婆鬧我，我係都o吾認錯
我係都o吾認錯，渠吱吱喳喳 巴巴閉閉
總之彩渠你就傻........

又要東張出馬

嗰班海關嚟

呢條村個ws,acw,cw點睇嘢

直頭要立法以後公屋都係咁起

報左東張西望官府未

話公墓園錯
根本天方夜譚

唔滿意咪自己出去租屋囉

裝個閘都可以是非不分

房署d 設計係咁上下架喇
當年我個bse 設計maintenance office d 燈全部有motion sensor, 但係寫字用mouse 呢種小動作係感應唔到，成班同事每15分鐘要企起身著一著頭頂支燈

大陸人住就好快同你整好架啦

梗係搵東張先啦

可能一開始就圖錯,之後全部唔理呢呢
我廿幾年前舊屋都係差唔多,個斜ram係整隊輪椅人士出去淋雨,反而正常人士行過可以識縮入去避雨

似係訂漏左另一邊開
通常換閘應該會問你想左開定右開
一係訂漏一係唔夠先咁夾硬裝

鐵閘未開嗰時有冇LOAN
要開咗木門先開鐵閘

可能入左呢隻貨係咁, 無得反轉來裝. (利申: 唔識亂估)
咁佢又無裝錯, 只係買貨個個錯