旅遊達人、TVB《潮什麼》系列主持梁芷珮（Christy）日前在社交平台開心宣布，在中山購入一個逾千呎單位，而且「唔使100萬」就已入手，她透露這份厚禮是送給爸爸的父親節驚喜。
梁芷珮發帖寫道，「攞咗樓喇！我surprised咗爸爸一層中山樓做父親節禮物呀！」她指出，該成千呎單位不用100萬元便買到，而且包全屋家電，形容「帶件衫就已經可以上嚟住，超級抵玩呀！」她又表示，以後爸爸北上玩樂不用再經常住酒店，十分方便。
據了解，梁芷珮購入的單位位於中山，實用面積約千呎，2房梗厨間隔，成交價低於100萬元，即呎價有機會低於1,000元水平。
事實上，梁芷珮貴為「旅遊達人」，因為常常外出，所以未有選擇在港買樓，一直承租單位。她以往接受訪問時亦曾表示，香港樓價太高，遙不可及，如只買入一個1房單位，未必足夠3個小朋友成長發展，而且將金錢花在孩子身上更實際。
![[sosad]](/faces/sosad.gif)