話說小學還是初中果陣，唔知咩事去左舅父屋企。

咁就同細佬入左表哥房打機，果陣唔知隻game叫咩名，

純粹知道一個角色，斬斬殺殺好爽，後尾先知係真三。

後來返左屋企，過左排去屋企留下電腦鋪打算睇下有冇得買黎玩，

就同細佬問個店員：「有冇隻game係帶兵打仗。」

真係咁問，可能小朋友果陣天真啲。



問完之後個店員係咩表情就唔記得左，

印象中佢指左指後面個櫃好多game，叫我睇下果隻係唔係。

果陣又無諗咁多，見隻game先賣10幾蚊(好似係)，

同買老翻差唔多價錢，唔啱玩都可以掉左佢。就買左返去玩。

其實返多去打開個合都feel都唔對路，做乜本說明書內容咁似平面，

唔似3D打打殺殺嘅，裝完隻game，好快入到畫面，

見到啲角色一係衣衫襤褸，一係著清朝官服。

再入埋game不得了，完全唔係果回事，

我望望我細佬，又望望個電腦就照玩，始終都係自己搞返黎。

其實又幾好玩，剩係記得啲角色名好有形，

咩洪秀全。但對於果陣嘅我實在太難玩，玩左幾鋪就攞返啲老翻碟黎玩。



網上圖片

我記得係盒裝，但應該唔係典藏版。

以為買錯鹹game

以為我望望我細佬

有冇人玩過

戰略模擬 定 動作

呢隻太平天國係戰略
當年想搵其實係真三國無雙