https://www.youtube.com/watch?v=ZX2-dCX2wAo《#精裝追女仔2》兩間電視台互相鬥法，盧海鵬的老周電視台試過被人偷走菲林母帶，要馮粹帆、曾志偉、黃韻詩一齊做直播頂替電視劇時段，變成鬧劇一場，但原來劇情並非虛構。今日(18日) #白彪 到新蒲崗支持 #米雪 演唱會加場，分享當年在 #佳視 拍《#射鵰英雄傳》趣聞，原來當年試過在劇集出街前，因為菲林損毀要即時轉用直播方式演出電視劇！
白彪指當年佳視拍起一定集數就邊拍邊播，有次試過拍完臨時發現菲林損毀，有人建議用直播方式做電視劇，大量高層企滿錄影棚監場，白彪邊講邊笑：「好彩係大場面嚟，唔係我第一個講對白，第一個講對白嗰個壓力好大，食飯、行住路都要練對白！」白彪自言是第一次直播方式演電視劇：「第一次遇到啲咁嘅事！真係好緊張！我諗電視劇從來都冇好似《歡樂今宵》咁做法！」
另外TVB長壽處境劇《#愛回家之開心速遞》宣佈即將大結局，白彪在劇中的「雷公」老是常出現與「大龍生」羅樂林鬥要面，白彪不捨：「日日同羅樂林、劉丹都好好笑，啲對白調轉嚟講都試過，總之自由發揮，照劇本意思講，好多時由尾講返轉頭，好玩就得喇，有時連人哋對白都吞埋，但有啲新仔接唔到。」未知未來能否再拍電視劇，僅說：「雷公撇鬚都剃咗喇，咁OK囉。」
此外，好友 #梁小龍 今年初離世，白彪有出席喪禮送別，今日他指與梁小龍「由細玩到大」，承認知道小龍與太太宋驤關係頗差：「佢兩公婆關係唔係咁好，已經十年八年，為咗佢身家之類嘅事，有啲不歡而散。」有傳喪禮後未獲安葬，白彪透露喪禮當日已經火化，估計是未搵到合適的骨灰位安置。
白彪又形容梁小龍性格好勝倔強，晚年患有糖尿病但唔聽勸：「瘦得好緊要，我叫佢唔好飲太多汽水，佢話該死唔該病，人生想食咩飲咩無所謂。」加上晚年經常四圍飛開工，試過在山東開完工趕返香港，第二日再飛蒙古，白彪傷心說：「我話錢成日可以搵，佢經濟冇可能有負擔，係太好勝。有次見佢做完嘢，伏喺枱度休息，唞氣唔好操勞過度。」
![[shocking]](/faces/shocking.gif)
![[369]](/faces/369.gif)
![[369sosad]](/faces/369sosad.gif)
![[369]ks](/faces/kiss/369.gif)
![[sosad]](/faces/sosad.gif)