MC張天賦東莞開騷
緋聞女友Cherry高調現身
惹賦二代不滿
「佢拍拖真係冇問題，明白唔公開嘅難處，但呢個真係唔收貨，經常性用一啲證據去暗示自己係同邊個拍拖。」
#張天賦 #MC 上星期六（30日）在東莞舉行演唱會，全場近一萬個座位爆滿，可見MC在內地有一定的號召力。
有很多香港的「#賦二代」專程上東莞支持，其中包括MC的緋聞女友 #Cherry！網民拍到Cherry現身東莞個唱會場，並坐在第二行中間位置；相關照片被放上網，並留言：「MC今晚笑得特別開心」。此po一出便吸到很多like，網民紛紛留言：「化濃妝又要戴口罩」、「估唔到最後MC都係衰咗喺女度，唉仲以為大好前途」、「見到車厘子都有去東莞，Imagine 到張天賦唱《反對無效》嘅時候係望住車厘子唱，我就有啲反胃」、「其實唔係接受唔到MC拍拖，係接受唔到佢同車厘子拍拖」、「認真佢拍拖真係冇問題，明白唔公開嘅難處，但呢個真係唔收貨，經常性用一啲證據去暗示自己係同邊個拍拖」。
MC同Cherry的拍拖傳聞，早於去年初已在坊間流傳。 Cherry異性緣甚旺，過去曾先後與張家朗及曾湛元傳緋聞。雖然MC一直未有公開認愛，Cherry未正式被確認「女友」身份，但有指MC常帶Cherry出席朋友聚會，二人情侶關係早已是圈中公開秘密。
不少賦二代對Cherry的高調現身反應強烈，有人留言批評她經常以各種方式暗示與MC的關係，除了曾在MC家中梳化自拍，不管MC澳門個唱還是做演唱會嘉賓，Cherry必打卡放上網，以證在場陪伴。今年年初MC在澳門演唱會的農曆新年場次中，她更被影到在觀眾席前排派利是給現場觀眾。
圖片來源：網上圖片
#娛壹
![[sosad]](/faces/sosad.gif)
