四年一度的世界盃下月開鑼。過往世界盃是本港酒吧吸客「黃金月」，本屆賽事由美加墨三國聯合舉辦，時差下大部分賽事於香港清晨時分上演，與酒吧營業時間有衝突，記者近日訪問太子酒吧街負責人，更全部表明今屆不會直播世界盃。香港酒吧業協會預計，高達一半酒吧將放棄轉播賽事，業界整體生意額將由上屆的7億元，暴跌超過八成至僅約1.5億元。

賽事時間與營業時段錯開 有負責人稱「嘥錢」

記者日前到太子酒吧街了解，東主均表明不會播放世界盃，原因是賽事時間與酒吧營業時間不符，有負責人更形容轉播賽事是「嘥錢」。至於尖沙嘴諾士佛臺，則有3間酒吧表示會播放世界盃賽事。

香港酒吧業協會主席錢雋永表示，上屆世界盃為酒吧業界帶來約7億元整體生意額，但今屆世界盃超過一半以上的場次於日間舉行，與酒吧營業時段並不吻合，「茶餐廳或者甚至乎酒樓都有得播」，令酒吧業失去以往在深夜及宵夜時段的競爭優勢。

轉播成本效益大減 酒吧傾向不轉播賽事

今屆世界盃參賽隊伍擴至48隊，合共104場球賽，目前香港已有電視台買入世界盃轉播權，其中有25場更會在免費電視台播出。被問到業界轉播賽事的意願，錢雋永預計本港高達一半的酒吧不會轉播，因「轉播套餐」的收費與以往相若，並未因適合酒吧播放的場次減少而降價。他提到，以往10場賽事中有8場在酒吧營業時間內，今屆可能僅剩4至5場，在缺乏特別優惠及成本效益大減情況下，不少酒吧老闆經計算後認為轉播「唔抵」，寧願節省成本，放棄轉播。

錢雋永預期，在近半酒吧不參與及賽事時段的雙重影響下，今屆世界盃為業界帶來的生意額，將由2022年的7億元，大幅插水至僅約1.5億元，形容對業界的幫助「弱咗好多」。

邵家輝：時差影響夜間生意 憂盜播損長遠市場

立法會批發及零售界議員邵家輝表示，若賽事在凌晨3時舉行，對於以往受惠於世界盃的酒吧來說，幫助不大，因酒吧不會在早上營業，時差問題將令今屆世界盃未能如以往般帶動夜間生意。

香港餐旅業協會主席梁熙表示，大部分商戶傾向不購買轉播權，「如果要真係吸引凌晨4至6點嘅客，我哋要多一更人，（成本）好多錢」。他預計，大部分球迷選擇留在家中或到朋友家觀賽，不會特意光顧酒吧。他又指，茶餐廳普遍未有裝設電視機，加上轉播費用高昂及租金成本沉重，業界更著重提高顧客流量，不會考慮轉播。

以前試過喺酒吧睇足三場波，收工食完飯去到就八點英超早場十一點第二場，一點嗰陣仲有力一路搖骰盅一路睇意甲，去到三四點西甲已經眼都掹唔開

file湯,

唔係咁講喎

笑死~
早幾日有個大陸痴線佬話自己會同條囡去bar睇, 駛3-4千蚊有乜所謂

美洲時間香港人好難睇呢一屆世界盃

咁咪好都唔知有咩好睇
2個鐘得d人係度跑黎跑去

美國佬想加中場表演學super bowl

平時美職個啲香港朝早7-10點開波
食曬屎啦酒吧

咁平時睇咩咁有趣

而家世界盃分組賽唔播都得啦
咁撚垃圾

細個我都唔明英式足球有咩好睇，唔計龍廿條傻佬追波跑，的嚟的去仲要120分鐘都冇波入
應該係未遇到一場精彩嘅賽事令你入坑睇波

抵死
酒吧咩人開心照啦

M記直播有無得諗？

難做，咪唔好做囉

事實依家D波堅係悶
再無以前技術型, 小姐滲透
隊隊都防反
返屋企訓覺好過啦

美國佬根本有心搞死香港, 邊有人凌晨先嚟踢波

你咪唔好撚播囉

好事 唔洗嘈著第二日要返工既人訓覺

2:00AM開波都試過,不過當年有林尚義, 李克勤, 忠仔講波...好睇好多.

咪由西班牙果屆開始係咁，悶到仆街。

邊個清晨六點去酒吧？

有生意唔做關人撚事
唔使可憐佢地啦

生意好呀

R聯咪又係3點

NBA時間 點睇