今日帶中一去種士多啤梨, 落到去溫室冇人
然之後喺個中學chat嗰度message, 再message負責人（負責人係負責租屋嗰個所以佢哋都好奇怪搵啲唔關事嘅人搞呢啲嘢）
然後叫一個學生去校務處同人講我哋冇人喺度
然後嗰個學生返到嚟依依哦哦唔知噏乜, 我仲喺度心諗佢做咩又蠢又廢
全班最醒嗰個學生聽到佢依依哦哦喺度指責佢嘥時間走過去咩人都叫唔到過嚟
咁我叫嗰個去校務處試下
然後佢返嚟話校務處得一個人, 然後嗰個人話冇聽過呢個人名, 又話冇聽過種士多啤梨, 叫佢返去自己老師度
校務處真係痴撚線, 有個學生問緊校務處負責嘅活動, 佢唔熟可唔可以幫手問下人呢？原來負責人係有花名, 但係佢email都係寫返正式個名㗎喎, 佢可以就咁話冇聽過呢個人都得嘅？
之後我同隔離房英文老師講佢話完全唔意外, 佢話校務處嘅人就係好difficult, 同佢哋合作唔到嘅
已經講緊呢單嘢係校務處搞嘅, 居然都可以咁
今個禮拜中學部校長希望全部人去睇其他人三堂
我暫時諗緊唔做
佢公開考試唔整study break, 同時間今個禮拜又要我監考兩堂, 自己公開考試個科都要夾硬放我個名落去監考, 不滿
好攰所以早少少走落去泳池瑜伽室恰一陣先遊水 佢哋啲課外活動都未完
點知見到好多人都早走
科學主任話政府15號先至中央熄暖氣 今日去到29度都仲開緊暖氣 我諗住逐步逐步閂咗佢但係大部分用鎅刀唔夠硬淨佢熄
然後15號之後跌返去零下四度反而就會熄咗暖氣
唔知點解政府唔可以每日睇天氣點樣調教暖氣
依家諗緊下個禮拜既然冇熱水就週末又去旅行
但係見到似乎評價好嘅酒店喺第二大城市全部都勁貴
上次去未睇嘅嘢實際上其實day trip都已經可以睇得完
不過day trip又冇咗冇熱水去旅行嘅意義
今日科學主任食lunch嘅時候仲喺度呻緊啲人投訴蒙古旅行好貴
貴嘅原因係因為如果你去一個型度型裏面所有嘢都係人哋專登山長水遠運過去畀你 所以先咁貴 本身入口到烏蘭巴托已經係貴
同埋旅遊業嘅嘢基本上大家都係只開半年
但係我同佢講問題係人哋望你個價錢然後見到歐洲都係差唔多價錢定啲嘅時候咪唔抵囉 成本高唔代表值得洗錢
![[shocking]](/faces/shocking.gif)
![[noic]cl](/faces/clown/noeyec.gif)
