屯赫爾係蒙古首都烏蘭巴托以北一個山谷裡嘅村莊，沿住跨蒙古鐵路同一條河流。佢位於肯特山脈之內，中部係聯合國教科文組織世界遺產，以成吉思汗嘅出生地而聞名。喺小鎮15公里外有一個金礦
殺人魔出生地都可以做旅遊景點
咁希特拉响奧地利邊度出世有冇遊客去睇？
佢出世嗰棟樓係仲喺度嘅 依家開始計劃將佢改造警署
80年代尾整咗個牌紀念碑話反法西斯
有去嗰個小城市嘅遊客相信應該都唔會有人係冇去 嗰度冇其他嘢睇
實際上成吉思汗實際出世地點係唔知嘅 只係話山脈嘅某地方
但係成吉思汗同希特拉喺國際同埋本國嘅reputation好明顯都差好遠
只可以話成王敗寇
同年代久遠仇恨淡咗
同埋大蒙古國嘅最大國境範圍都唔係成吉思汗管治下達成, 佢只係打頭炮, 而且佢決定打波斯屠城係因為人哋下馬威殺佢外使
至於仇恨, 大蒙古國同埋四大汗國統治年期唔長, 雖然後人有例如統治到克裡米亞去到19世紀, 一係已經唔係最大粒嗰個, 一係就已經突厥化, 再加上今日嘅蒙古唔得罪人, 反而大部分蒙古族本土地區係比中國俄羅斯佔領緊, 又點會仇恨佢
印度都統治到英國人嚟
同埋蒙古人都唔like 俄國同中國
本來俄中就係想瓜分蒙古只係俄未吞到中俄就反咗面
印度統治英國人, 講緊只係一個英國土生土長冇贏過大選亦都冇贏過黨員選舉嘅首相, 痛國際承認“固有”領土範圍入面消除蒙古族文化咁樣統治差好遠喎
蒙古人唔鍾意俄國中國, 但係表面上同埋政府官方都一定要打好關係. 本國舞專燈喺俄羅斯中國挑起民族意識, 就已經好難會有人搞事
至於你話本身想瓜分蒙古但係未吞到就反咗面我覺得呢個冇關係
首先蘇聯要吞, 中國唔會實際阻止到. 蒙古共產政權基本上已經係蘇聯控制, 30年代之後處決咗個掌摑史泰林總理, 滅佛, 之後已經基本上係完全控制啦, 中國可以做啲乜？
同埋蘇聯嘅心態係重建俄羅斯帝國, 所以你可以話佢可能會搵蒙古去簽華沙公約, 但係佢係無意將蒙古改造蘇聯嘅一部分. 蒙古想加入係畀佢拒絕, 然後你再睇返高加索中亞同埋東歐蘇聯控制所有地區都係同一個故事. 俄羅斯帝國控制白俄羅斯地區, 波羅的海三小國地區, 烏克蘭, 摩爾多沙, 所以佢哋都成為蘇聯加盟國
俄羅斯帝國本身冇控制東德波蘭捷克斯洛伐克匈牙利, 所以佢哋只係華沙公約國, 唔係蘇聯加盟國
俄羅斯帝國本身搞摩爾多沙出嚟就係想用羅馬尼亞走入歐洲, 但係蘇聯創立之後羅馬尼亞成為共產國家都冇成為蘇聯加盟國, 所以你見到佢哋呢個logic係好consistent
另一方面聯合國制度實行咗, 超級大國開始鍾意玩call馬拉大隊, 所以蘇聯實際控制一堆國家, 佢哋繼續保持名義上國家地位蘇聯就好多票數跟佢. 一開始蘇聯直情係話全部加盟國應該做獨立成員國添, 係美國話如果全部加盟國都係成員國咁50州都做成員國先至退讓, 所以最後變咗烏克蘭同白俄羅斯係聯合國創會成員, 反而俄羅斯唔係
![[noic]cl](/faces/clown/noeyec.gif)
