待機器掃瞄完畢，下方的管道便吐出一隻復古的竹製籤桶，
裡頭紅、黑籤的數量是根據命書所載而定，
想必這男人生前為善不甘後人，因而籤桶裡塞滿了紅彤彤的籤頭。
男人輕搖籤桶，不消幾下，一枝紅籤落地，鬼差拾起說道︰「生於富裕之家。」
隊伍中便有人發出艷羨之聲。
接下來的程序大致相同，而中紅籤者包括「長命百歲」、「異性緣佳」、「文思不竭」、「音樂奇才」、「劫後餘生」等等。
直至排在我的前面一個女生抽到黑籤，鬼差讀出「父母雙亡」後，紅籤灑了一地，隊伍中鴉雀無聲。
只聽女生哭喪著問︰「唔係因為我做咗好事所以先嚟哩條隊架咩？點解我下世要咁慘？點解咁多紅籤但只得我偏偏抽中黑籤？」
鬼差邊拾起籤桶邊說︰「你係做咗好事，但你敢唔敢講你成世人都無做過壞事？」
「如果係咁，你哋點解要分我嚟哩條隊，點解要俾希望我？」說罷愈更止不住淚。
「因為哩到既黑籤並唔代表一定係壞事，你將來就會明白，唔平坦既路，都唔一定係懲罰。」
我望著鬼差把女孩送上一架竹筏，掌舵人便把客滿的木筏撐離大樓，緩緩離去。
然後我把懷中的命書交到了鬼差冰涼如水的手中。
![[flowerface]](/faces/flowerface.gif)
