你地一人講一個, 咁我估兇手係 Alex

畀個beat來

我估係金庸

唔知點解我都覺得係呀文

我心目中老燈個形像係吳孟達

如果我係都唔跟你個beat又點呢

三哥bb

我的推斷全都基於受害者失憶這一點，兇手既然會處心積慮地去搶奪其他人的願望，他必然是個貪心自私兼且心思細密的人，所以他不會失心瘋以無謂的理由去洗走別人記憶。而唯一一個合理解釋，就是受害者全都認得他，兼且在尋素材的過程中都與他屢有接觸，因此兇手必須將對方整個關於精靈的記憶都移除。

「同Melanin有接觸、同前兩個都有接觸嘅人就只係得嗰個隊伍，阿文之前冇入到隊，所以佢根本唔識前兩個受害者，直覺上我亦都相信Jester唔會害Melanin，所以嫌疑人就得返老朱、Edward同埋Danny。」我向燈神解釋，

「咁好簡單啫，你咁鍾意打人，人類咪有句說話叫屈打成招？」燈神說，

「屌你啦講呢啲...........所以係搵素材之前，我想睇下究竟係邊條仆街做嘅。」我的推斷非常合理，所以燈神也想不出理由阻止我，

而我第一個瞄上的，就是尚餘一個素材的老朱。

我對老朱的印象不差，他冷靜而且頭腦清晰，面對事情時總能夠抽離個人情緒來思考問頭。但亦因為此，老朱頗附合一個兇手需要的條件。

我從阿文的口中得知了老朱的工作地點和地址，接下來的兩天，我便全日跟蹤老朱的去向。一觀測下來，老朱果然有點古怪，兩天裡他都沒有去上班，整個早上都留在家中一直到快中午了才現身，等得我幾乎忍受不住而離開。

他從家裡步行到附近的屋村商場，全程小心翼翼環顧四周，似乎在提防有人像我般跟蹤他。接下來的兩天，他走遍了九龍新界，大埔火車博物館、文化中心、九龍公園，就像帶我玩City Hunt般遊蕩於不同的景點。

「屌你...........佢做乜鳩呀..................」時已第二天傍晚，我累得快受不了，

「又係你話跟蹤人，咩年代呀仲用呢招，有咩陰謀用個Whatsapp都搞掂哂啦！」連燈神都忍不住抱怨，

「鬼知咩！但係你睇下佢個樣咁鬼祟，我好肯定佢一定有啲景轟！」我不忿說道，

「你唔俾佢搵緊素材架！」燈神沒好氣地白了我一眼，

我一呆，半响說不出話來。對啊，一心被老朱有陰謀的想法佔據，竟然忘了這個最基本的可能性。

「醒啦壽頭，你個Friend走啦！」燈神一言驚醒洛克人，

老朱從尖沙咀郵局步出，緊張地左右張望，看每個路人的眼神都仿似在望著可疑的犯人。我心內大感奇怪，他的反應與一個兇手的印象差之千里，試問有哪個深謀遠慮的人會露出如此惶恐的神情？

我心念一動，拿出電話撥號打給老朱。

「喂，老朱？我係Alex呀。」

「係....咩事？」

「你係邊呀而家？」

「我......？我係公司囉，開緊會呀！」

「哦咁樣.....Danny話想約大家去Cafe傾下，你今日幾點走得？我而家過嚟接你呀！」

「呢兩日好忙我要6點後先走得，到時再Call你地！唔駛過嚟！」說完老朱便匆匆掛了線，

我望著遠處神經緊張的老朱，心裡想到他說謊的兩個可能性。一，他和我一樣思疑兇手藏在隊伍裡，所以想掩人耳目盡快收集最後的素材，二，他和兇手串通犯案，但怕被牽連所以小心提防。如果是前者，他可能會懷疑我剛才電話的用意，甚至覺得我可能是兇手，但在不知道誰可信的情況下，他會立即用掉願望，以免節外生枝。但若果他與兇手有關，他只會覺得我對他已生疑，接下來肯定會想辦法找兇手求助。

「你都幾大膽，如果佢真係清白然後話俾其他人聽你呃佢，咁你咪賴嘢？」燈神問，

「我搏下咋，搏佢咁小心嘅性格，如果唔知邊個信得過我估佢唔會亂搵人。」我坦然說，

「咁都得？唉，其實搵個素材許願啫，係咪事必要搞到福爾摩斯咁呢？」燈神又想早點收工了，

老朱站在街上不動，心胸起伏不停，然後，他像鼓起勇氣般拿起電話打。他神情凝重地說了一會，掛線後又似害怕又似緊張，深吸幾口氣後急步離去。

「喂有料到呀！！」我低呼一聲，緊隨老朱而去。

老朱坐上了計程車，我在另一輛上緊隨其後，車子繞了個圈，到了漆咸圍便停下，搞得我被司機妖了兩嘢。老朱走進了一間芬蘭浴，入口只得一個，如果我進去便肯定會被他看見。

「而家90年代講數咩！唉，係度等啦。」我嘆口氣走進對面街的酒吧，

此刻的老朱有違我之前對他的觀感，明明看見Melanin失憶都不形於色，又有甚麼事可以讓他如此驚恐和急匆匆？直覺告訴我，這個傢伙「身有屎」，而與他在芬蘭浴碰面的，必定就是那個可惡的兇手。

我不耐煩地敲著酒杯，等待兩個混蛋從正門出來的一刻。時間慢慢過去，自我盯著門口算來已一個小時多了。終於，一臉輕鬆的老朱推門而出，整個人都似放下了心頭大石。我沒有立即追上去，因為我在等，等另一個人從門口出現。

「喂，唔好意思阻住你擺Post，通常啲戲奸佬都走後門，你要唔要去望下？」燈神的提議極之合理，我連忙繞了個圈兜進後巷。

後巷盡處一道人影正打算離開，我見狀連忙拔腿奔跑，打算用比小明跑得更快的速度截住那個人，那人聞聲竟然頭也不回就開溜。

「喂！你跌咗錢呀先生！！」我大聲說道，希望可以稍分其心神，

「嘩！！屌！！」一聲痛呼，我一跑出後巷就撞上個路人，

路人被我撞得倒在地上，撫著自己胸口慘呼連連。定睛一看，這不是老朱嗎？

「屌你特登阻住我？！！嗰個究竟係邊個呀！！！」我怒不可遏一把拉起他的衣領，若不是人多我早就拳腳侍候了，

「痴.......痴撚線...！！放手呀！」老朱反應其大地撥開我雙手，

「嗰。個。係。邊。個！」我氣往上湧，緊握著拳頭向老朱步步進逼，

「你...你想點呀...！咩邊個呀！我都唔識你！！」老朱雖驚，都不及他的話驚人，

我愕然停住動作，仔細地看著老朱的面部表情，除了害怕，他連一點的眼神閃爍都沒有。

「你.....唔認得我.....................？」我欲伸手拉起老朱，

「喂停手！！！」一把熟悉的聲音從我背後響起，

我回過頭，看見阿文、Jester和Edward正盯著我，眼神充滿忿怒和怨恨。

＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝

哇

Danny

留名

好一招插贓嫁禍

正故留名

第一次睇三哥既故
正到核爆

其實之前個兩個人主角都唔知啦，點會估係主角做，佢地唔懷疑架咩

係Danny

唔通係幾個人一齊昆9佢

唔通班人想搶走主角既願望