遊行返黎都未有文

三哥留守？

三哥都去左遊行
大家體諒下.ok?

Monica好有嫌疑，為左搶願望不惜狂食熱狗？
而且佢多次應承毒j alex做騎呢野實在是太順攤
Btw 留明

留名

lm,希望有出人意表結局

留名

原來三哥去左遊行

早晨！今日加速出文，大家跟返個beat啦！

燈神是個非常守舊的精靈，他一直堅守那些定立了幾千年的原則，基本上甚麼細節都不會告訴我。其他精靈比較開放，即使不會主動分享有關精靈的情報，至少都肯默認或是用間接的方式透露資訊。所以這次燈神肯破格主動說話，證明事情已非常嚴重。

「人類係無辦法自己學識我地世界嘅法術，佢一定係通過精靈將法術轉介到自己身上面。能夠做到呢一點，嗰個人本身一定係精靈嘅持有者，並且用願望換一、兩種法術。」燈神說，

「佢可能許願話變到咩魔法都曉用？咁我地咪死硬？」我腦中聯想到自己大戰佛地魔，

「精靈嘅願望唔可能超出自己能力範圍，假如我做唔到，相信無精靈會做得到。」燈神淡然說，同時顯露作為傳奇的霸氣，

「OK，咁假設個兇手只係學識一兩條法術，其中一條係清除其他人嘅記憶，咁另一條會係咩？」我自言自語，但其實答案已呼之欲出，

「搶奪其他人願望嘅能力。」燈神說完最後的資訊後便消失了，主要的原因是天台來了另一個人，

「冇事呀嘛？」阿文走了上來天台，

「冇....冇呀.........諗緊頭先啲嘢啫.....」我的心神依然被燈神的話佔據，遂答得心不在焉，

「成件事太奇怪.......我懷疑緊....Melanin佢嘅精靈已經唔係度.....」阿文憂心忡忡說，

「如果我話你知，兇手係一個精靈持有者，而佢唔止洗走Melanin嘅記憶，仲搶走埋佢嘅願望呢？」我接著將燈神的見解說出，直聽得阿文雙目圓睜，

「其實你地精靈界咁有秩序，唔可以報警咩？」我問那怯生生的玉寶，

「唔得呀....所有外勤人員係人類世界都冇辦法同精靈界溝通，要做完嘢返去先有辦法講件事出去，但係基於唔影響人類界嘅原則，就算管理層知道都唔知佢地可以做啲咩.....」玉寶說，

「咁搞法等得佢地嚟幫手都世界末日啦！」我長嘆一聲，

我和阿文無力地坐在天台上，感到事情超出自己控制之餘，更有一層無形壓力將我們迫得喘不過氣。

「係哩，頭先你話你會許願同玉寶係埋一齊？」我扯開話題問道，

「係呀，呢個係我最想要嘅願望。」阿文坦然說，玉寶溫柔地望著情郎，一切盡在不言中，

「但係.....你得一個願望，咁你咪冇辦法改變其他嘢......？」我問，

「咁都係同本來嘅生活冇分別啫，錢可以搵，但係玉寶只係得一個。」阿文語氣非常堅定，

「你兩個相當有嫌疑。」阿俊突然出現，身後的是金庸和順風，

「麻甩佬通常熟得快都不外乎兩樣嘢啫，咸濕或者飲酒，講！你兩個做咩唔預埋我地！」金庸指著我們說，

看見這三個鳩佬使我感到一陣輕鬆，因為對於他三個我已是推心置腹，而亦只有對著他們，我才覺得事情不似所想那麼絕望。

阿文和我隨便找籍口搪塞過去，回房後我累得倒頭就睡，結束了多事的一天。

第二天起來後，我望著清澈的藍天，心裡有了點想法。燈神的話是我現在僅有的線索，而除了分享給阿文外，我暫不打算告訴隊伍的其他人。有一個想法，我首先要證實一下。

吃過午飯後我動身前往Melanin的家，一路上我把耳朵塞住，嘗試組織腦內的資訊。根據燈神的話，兇手是一個能夠搶奪他人願望的精靈持有人，而算上Melanin的話，前後至少已有三人遇害。三個人都是在收集了所有素材後方遭到襲擊，而願望被搶奪後，有關精靈的記憶都會被移除。

問題來了，為什麼兇手要移除受害人的記憶？理論上搶走對方願望後，受害者根本甚麼都做不了，既不能報警亦沒能力奪回自己的精靈和願望，那為何兇手要多此一舉？

未幾我便到達了Melanin的住所外，但未進大堂我便看見一個熟悉的臉孔。

「咦？點解你會係度？」Jester愕然望著我，

「冇，我想睇下Melanin會唔會好啲啫....」我說，

「唔駛上去啦.......佢都係唔認得我，不過佢睇咗自己電話嘅記錄，知道我地曾經......認識...」Jester苦笑搖頭，

「咁即係佢對之前發生嘅事一啲印象都冇？」我連忙問，

「冇呀..........佢話佢會去睇醫生Check下個腦係咪有咩事，但係佢.......希望我地唔好再騷擾佢....俾佢靜下....」Jester臉容扭曲，似是在忍受極強烈的痛楚，

「我地再諗下有咩辦法啦！」我嘗試安慰他，

「辦法？辦法我有呀，」Jester聞言抬起頭，雙眼厲芒一閃，「我會攞埋最後兩件素材，許願令Melanin回復本來咁樣，同埋要嗰個兇手仆街冚家剷！！！」

Jester說完轉身離開，我本欲留住他，但話到嘴邊又硬生生吞了下去。他的痛楚和仇恨真摰流露，使我確信他說的是真話，但在未清楚其他人立場之前，保險起見我還是把自己的猜測放在心裡。

「點解要咁多管閒事，快啲搵到素材好過啦！」燈神等Jester離開後方出現，

「唔得，係未清楚件事之前，亂咁去搵素材反而更危險。」我沉聲說，

「點解？」燈神眉毛一揚，似是在重新打量我，

「點解兇手要洗走佢地記憶？點解兇手會啱啱好知道Melanin同埋前兩個人幾時收集好所有素材？」我反問燈神，

燈神不語，但我感到他已明白我接下來想說甚麼。

「我相信受害人全部都認得個兇手，而且個兇手就係隊伍裡面其中一個人。

＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝

三哥早晨 食左早餐未？

跟返個beat

希望個兇手唔會係燈神啦,佢成日無啦啦唔見人..

推

留名

我覺得兇手係呀文
三哥係咪已經寫左伏線 ?

我估係Edward