晚上我沒有開電視，反正甚麼都看不到，兩個人餘有興致地播著唱片，坐在梳化上促膝長談，
「原來GTA係你地個世界叫做RAT？！」
「係呀，所以我咪好奇怪囉～明明你形容隻Game同RAT一樣，我代代都有玩架！」
接著，我們由遊戲談到香港社會，尤其是唐英年和梁振英的分別，
「嘩，呀梁振英咁得人驚架？！」Fay聽完咋舌道，
「係呀，呀唐英年冇呢啲嘢咩？」我問，
「冇呀，佢俾人話官商勾結，益哂地產佬囉，同埋佢成日亂講嘢，俾人笑係低B做特首。」Fay說，
我們放完一張王菲，又放了一張張學友，整夜不怕勞累地聊天說地，
大概我倆心底裡都怕，一睡醒彼此就會絕跡眼前。
「In case瞓醒會唔見咗你，我要多謝你。」Fay和我躺在各自的床上，床與床之間相隔不到一米，
「多謝我？」我聞言愕然道，
「係呀，因為你，我成功忘記一個人。」Fay閉著眼睛微笑說，
她沒有說下去，我也沒有問，每個人都有一個痛處，能告訴你弱點在哪兒已是很闊的一步了，
這晚我沒有平時那麼害怕漆黑的晚上，甚至感到空氣中有種甜甜的味道，
別想歪，即使誘人的軀體就在咫尺間，我亦沒有任何不軌念頭，
並非Fay不吸引，只是我更珍惜兩人心靈之間的親密，
有時候你越重視越喜愛一個女人，你反而覺得肉體交流會破壞彼此的關係，
想著想著，我沉沉睡去，夢見了一望無際的芒草山頭。
=================================================
![[sosad]](/faces/sosad.gif)
