回到家，小明狼吞虎嚥地吃著飯，
我認真地考慮應否問牠收回伙食費，
「係喎，頭先樓下大波榮俾我睇左張相，你呢次紅啦。」我說，
小明抬起頭，神色疑惑地看著我，
「佢影低咗你咬住盒避孕套，仲放咗上Facebook，好多人Like呀！」我說，
牠表情一點都不高興，反而有點少見的嚴肅，
「俾我睇下。」牠沉聲說，
我將手機遞了給牠看，牠望見自己照片後默不作聲了一會，
「阿陳，」牠凝重地望住我，「多謝你照顧我，之後有人問起，你記得話我自己走咗，唔好講話我識講嘢之類。」
「吓.......？咩事呀？？」我不解地問，小明的態度轉變實在太突然，
「其實你女神對你都有好感，你真心向佢道歉然後拎張相俾佢睇就無事架啦。」牠說罷動身離開，
「喂！你做咩交代身後事咁款？去邊呀你！」我跟著牠出了去，
小明沒有理我，直接開門就跑，
「小明！！」我喝止牠，但牠完全沒理我，
「嘩，小明真係跑得快過火車喎！」大波榮剛好在倒垃圾，
「仆街做乜嘢呀又，波榮可唔可以借架單車俾我？」我說，
「見係你咋！快啲追啦！我打俾村口老黃叫佢截止你隻狗。」大波榮二話不說推了架單車給我，
我拚命地踩著單車，但小明的腳力真不是說笑的，我一點都沒法縮短距離，
至此，我知道這隻神秘的狗肯定有甚麼秘密瞞住我，
但不論是甚麼原因，我都無法就這樣拋下牠不管，
小明快跑到村口，哪知牠突然急停，然後轉身向我方向跑來，
隱隱約約，我看見有兩輛黑色房車駛了進村，
「返轉頭！返轉頭！！」小明看見我，不理有沒有人在附近便放聲喊了出來，
從他認真的神色我知道事情不對勁，於是立即調頭，
「搞咩呀！」我轉頭問小明，
「一陣再解釋，搵地方匿埋！」小明未幾已追上了我，「唔好返你屋企！」
![[slick]](/faces/slick.gif)
![[sosad]](/faces/sosad.gif)
![[bomb]](/faces/bomb.gif)
![[yipes]](/faces/yipes.gif)
