小學三年級時我養過一隻狗，不是甚麼名種，普通唐狗而已，
唐狗其實很聰明，性格又溫和，那時候不知陪伴我渡過多少父母加班的日子，
後來牠生病，沒多久就死掉了，搞得我哭了好幾天。
長大後我沒有再養狗，因為香港的屋苑多數都嚴厲禁止，
加上自己常常加班，根本沒有時間去照顧，
即便如此，我還是搬到村屋住，
養「番狗」這個念頭，雖然一直只是放在我心底，
但我總想保留一點可能性，說不定哪天自己會抱隻BB狗回家。

然後有一天，我加班弄得很晚才回去，
晚飯時間早過了，附近的街道也是冷清清的，
我走在街燈下，手裡拿著兩個波仔飯盒，
抬頭看見燈柱上貼了尋狗通告，是隻長得不錯的Husky，
村裡差不多家家戶戶都有狗，但我從未見過這隻，難道是外人帶進來的？
想著想著我就走過前面路口，然後在角落轉彎，
誰知一隻狗剛好坐在地上，我差點便踏了上去，
那隻狗抬起頭和我對望，是一隻Husky，
等等，難道是.................

Husky看見我手上的波仔盒，用鼻子過來頂了頂，
想必是餓了吧，我撕下街招，示意牠跟著我，
那隻狗聰明得很，會意走在我旁邊，
「陳仔又咁夜返！咦，隻狗你架？」住在地下那層的圍村人大波榮向我招呼，
「哦，暫時放係度嘅。」我隨口答，
大波榮家裡養了隻洛威拿，人倒沒甚麼，不過是傳統比較愛面子的「圍頭佬」，
只要你別讓他發現任何可比較的地方，基本上他不會管閒事。
那隻Husky不吵也不怕人，居然乖乖地跟我這個陌生人回了家，
「隨便坐。」回到家我放下手中東西，累死我了，
Husky坐在一旁看著我，然後看看檯面的波仔飯盒，
「哈，我都餓啦，你食邊個？」我拿出兩個飯盒給Husky看，
牠用鼻尖頂了頂咖哩那個，哈，這隻狗真有趣。

看著狗狗專心吃飯的模樣，我感到精神一陣放鬆，
唉，牠的主人想必很擔心吧，
我拿起街招，準備打去上面留的手機號碼，
Husky突然跳過來，腳爪按住了座檯電話的掛線鍵，
「乖啦，打緊俾你主人呀～」我輕輕推開牠的手，
然後我按了兩下，牠又一腳踩斷了通話，
我呆然望向牠，牠不會是故意的吧，
我掏出手機打，然後看著Husky的動作，
牠把頭擠過來，擋住手機的屏幕，
「點解唔俾我打呀？」我問牠，牠雙眼看著我，好像想告訴我些甚麼，
「唉，我出去出便打啦。」我站起身欲開門出去，
Husky把身體頂住門，然後和我對看，
這隻狗的古怪行徑激起了我的好奇心，我決定看看牠到底打甚麼主意，
我急步衝向房間，Husky會意跑了過來，
可是牠慢了一步，我剛好關上房門，
「哈！我打俾你主人啦！」我故意大聲地說，
Husky在外面吠叫，時而兇惡時而淒慘，
你可能覺得我很無聊吧，居然去和一隻狗鬥氣，
不過，接下來發生的事會令你一點都不覺得無聊。

我按下電話號碼準備打出，Husky的聲音也急了，
「我打啦～」我手在半空，離撥出鍵只有兩厘米遠，
「咪撚打呀！！！！」一把低沉的聲音喝道。

空氣應該靜了有兩三秒吧，我手僵硬地抬在半空，
難道有人進來了？
我打開房門，Husky立即焦急地撲了上來，
牠咬走了我的電話，但我沒管，只是衝出客廳看有沒有人在，
家裡不過幾百呎，一看便知沒有其他人了，
「你......你頭先....講嘢.....？！？！」我唯有接受現實，望向口中咬著我部碌２的狗狗，
「吐，」Husky吐走電話，然後好像嘆了口氣，「係，我叫你唔好打嗰個電話。」
「屌............！！！！！！！」我嚇得飛身退到牆壁邊緣，
「冷靜啲，你當我係阿古獸咁睇就無咁驚架啦..！」那隻狗好像很怕我大叫，走過來安撫我，
「阿...阿..阿古獸.......？！？！」我喘著大氣，「你..你究竟..係咩.....」
「狗囉，咁啱識講嘢啫！」Husky說得好像很平常似的，
「狼..狼人....人狼..妖怪.....上錯身......係..係邊樣....」我努力迫自己冷靜點面對，
「我真係純粹一隻狗嚟！」Husky沒好氣地白了我一眼，表情還有點麻甩，
「呼.....」我深深地吐了一口氣，「咁，你點解識講嘢呢！」
「唔知呀，俾人養養下發覺自己識講人話，又驚主人好似你咁大反應囉！」Husky索性坐了下來，
牠的理由非常牽強，但我又想不到可以怎樣質疑牠，
「咁做咩唔俾我搵你主人？！」我唯有轉問別的問題，

「唉講起我就扯火。」堂堂一隻狗竟然老氣橫秋地用高登術語，驚嚇得我不知該怎樣反應。

「嗱，是咁的，我今年都四歲啦，咁我個主人就話要幫我配種，話生返啲純種喎，」Husky竟然認真地開始講故事，
「咁無啦啦送條女俾我，我唔通話唔好咩係咪先，但斃在你地啲人類完全無審美觀呢下仆街，嘩我一見到條所謂純種Husky狗女，真係隔夜狗糧都差啲噴出嚟呀！小喇叭！高低膊八字眉，仲有佢對眼生得開到呢，幾乎上埋對耳度！OK你可能話我對住佢背面都睇唔到個樣呀，蒙頭入閳囉。係，我開頭都咁諗，點知行到佢屎忽度，嘩！對眼分得開到直情可以前面望到後面呀！佢個身仲要臭架，真係你屌埋我嗰份嘞！」想不到這隻狗是一隻長氣狗，
「咁你都唔駛....」
「我未講完！」Husky禁止我發言，
「仲有嗰件豬扒個女主人，成四張嘢睇佢個款都嫁唔出攬住隻狗盛女愛作賤架啦，仆你個街仲要心理變態，係咁眼甘甘望住我地兩個都算，點解要係隔離吶喊助威，係咁『騎上去啦』、『溫柔啲俾心機』？！」Husky越說越憤怒，「你話點忍呀！我係狗啫我都有尊嚴架！於是我咪咬咗佢一啖轉身走佬囉，頂，你唔好俾我見返個死八婆添呀，我實示範俾佢睇咩叫做溫柔啲俾心機，汪！」

快啲出文

見中三BB 留定名先

三哥

狗狗

正評留名不解釋

出文了

留名

F5

好撚正bookmark留名

溫柔啲俾心機，汪！

留名

留名

留名

@000@"

亞古獸

阿古獸

留名

留名

留名

笑撚死