吃完飯後，小明坐在我旁邊，舒服地伸了個懶腰，
「小明，不如落街散下步哩，我有報紙喎！」我一時興起，因為我很多年沒帶狗散步了，
「散你老尾.......出面咁鬼熱，你要唔要試下著件皮草出去行幾圈？我愛斯基摩個邊過嚟架！信唔信我告你虐畜呀。」小明拒絕得非常嚕嗦，
「但係，你都要痾尿掛？」我被潑了冷水仍不死心，
「唔係掛？！我嘢都識講，你覺得我唔識去廁所痾？」小明表情輕蔑地說，
想不到，我居然會被一隻狗「窒」得回不了話，
「仲有呀，樓下隻洛威拿兇咗我幾鑊啦，話如果我係佢地盤留尿，狗鼻都咬甩我咁話喎！」小明說，
對啊，大波榮養的洛威拿的確很兇惡，既然如此，我只好放棄帶牠出門的打算，
「咦，等等，」我突然想到一件很重要的事，「如果你係睇TVB學口語，點解你會識講粗口架？！」
小明沒好氣地白了我一眼，
「我高登都曉上，上埋Youtube有幾難呀，我兩歲打後TVB膠劇已經滿足唔到我嘞。」牠老氣橫秋地說，
「哈哈連狗都唔睇TVB，咁你而家又坐係度睇咁耐...........」
「你間屋得嗰幾百呎我走得去邊呀？」小明笑說，
這隻死狗真的一點都不可愛。
其實養狗是一門很深奧的學問，不同的品種在飲食習慣和訓練方法上都很不同，
有的可能要常常帶出去跑步，有的則盡量不要讓牠跳動，
即使是同一品種的狗，例如尋回犬，也會有幾個品種，不論毛髮長短及打理方法皆迥異。
小明屬於阿拉斯加雪橇犬的品種，理論上牠運動量需求頗大，所以牠的懶惰真是大出我意料之外，
我有嘗試幫牠打理毛髮或叫牠去洗澡，但那衰狗每次都以粗口回應，
「屌你唔好攞水淋我呀！打鑊你架四眼仔！」小明誇張的反應讓我覺得牠是怕水的，
「喂你狗嚟架，街又唔肯出，涼又唔肯沖，你係咪想生皮膚病呀！係咪想無飯食呀！」我恐嚇說，
「有冇咁誇張呀！睇下電視就生皮膚病？！」看來恐嚇對小明有點效用，
我拿出狗帶，一臉笑吟吟的樣子，
「你地啲人類真係好那仆街，成日迫啲狗做你地想做嘅嘢。」小明不情願地被我套上狗帶，
我懶理牠的埋怨，因為帶隻有型的狗散步一向是我童年夢想，
「唔好行咁遠呀，村入面架咋！」小明警告說，
我哈哈一笑沒有理會牠。
![[sosad]](/faces/sosad.gif)
笑撚死![[flowerface]](/faces/flowerface.gif)
