我現在置身於火場內，雖然火勢未蔓延到這裡，
但以黑煙的濃密程度，以及現場的高溫推斷，這場火應該非常厲害...
不消十秒，我已經一頭大汗，呼吸也開始感到困難...
我到底在那裡...？這場大火又是什麼回事...
『1996年11月20日，香港發生左一場五級大火。』
彷彿聽到我的心聲，回答的人是阿肯，
因為濃煙實在太厲害，所以完全沒注意到他站在大門旁邊。
「你話...咳！大火...？」
1996年...莫非...這裡是...
『我唔係天台殺你，係因為咁會留下好多麻煩。
你應該好清楚，要殺死一個能夠穿越時間既人，
就一定要搵一個「關鍵事件」...呢個係我地守衡者既慣常做法...』
阿肯伸開雙臂，彷彿向我展示著甚麼偉大場景。
『嘉利大廈大火，唔知你仲有無印象，個陣...足足死左41個人，
而且，仲未計因為火勢太猛烈，導致屍骨無存既人。』
「你...！」
『呢到先係你既葬身之地。』
「但你...你都一樣走唔到啫...係呢個地方...根本無人比到『時間點』你...」
『嘖嘖嘖...』阿肯豎起右手的食指左右揮動『揚生，
你咁講就錯喇...邊個話比你知...我係同你一同時間黎到呢到...？』
什麼...？
『雖然穿越既時間一樣，但我足足比你早到左一個鐘...
即係大火發生前，已經黎到呢到，「時間點」，我早已經準備好。』
「...你咁講...唔通...呢場大火...就係由你引起...？」
提出這個疑問，我未等阿肯回答，就向前踏出一步，
陷阱我早就清楚肯定會有...即使這樣，只要能有你陪葬，也沒所謂...！
『...唔知呢。』
然而，他一注意到我這樣的舉動，馬上從容地後退了兩步，越過房間的大門...
他準備離開了。
「阿肯───！！！！」
我用盡全身的氣力衝過去，即將抓到他衣領那一刻，就這樣在我面前消失不見，
因此，撲了個空的我理所當然地倒在地上。
「只係差少少...可惡呀！！！」
痛狠地敲過地板宣洩，我勉強撐起身跪起來，盯著門外長長的走廊，
大火已經逐漸迫近，就算退回房間關上去，最多也只能支持多數分鐘...
在這情況下...是不希望找到人寫下「時間點」的...
直接逃走...也已經太遲...
就這樣...完結了嗎...？
明明還有這麼多謎團未解開...難道...
未來已經順著阿肯的意識改變...他成功了...？
雖然不願意接受，但看起來的確是這樣...
阿妹...到最後...我始終都無法為妳報仇...
我放棄地閉緊雙眼，臉頰因為火勢的熱力而刺痛，缺氧令我的意識開始模糊...
最後一刻，我腦海閃起了，那一次旅程的最後...
小玥...對不起...
但我們...很快就會見面了。
![:-]](/faces/devil.gif)
![[sosad]](/faces/sosad.gif)
加速
？
![[bomb]](/faces/bomb.gif)
![[banghead]](/faces/banghead.gif)
