【3】千萬別試圖改變過去，不然賠上的可不單是性命...

有心無默

08/06/2013 01:33

高登真係食左屎,慢到 :o)

真係好Q慢...

七一再見

08/06/2013 02:29

汗腺向上移

08/06/2013 02:30

無盡的1P

08/06/2013 02:33

有心無默

08/06/2013 02:46

訓之前會寫多一兩篇

有心無默

08/06/2013 03:08

現在的情況就像我們第一次相遇，阿肯握著餐盤，
向我提出同桌的要求，但這次他沒等我回答就坐了下來。

這刻，我腦海一片空白，不知道應該說什麼。

『今日天氣真係好唔錯呢，』阿肯說『比我地第一次見個陣仲好。』

「你...」我感覺到自己雙腿在顫抖「...到底...」

別讓他知道你害怕...現在人流已經變多，他不敢亂來的...

『嘿...睇黎阿傑已經話左比你知我想點，放心...我真係唔多敢係到亂黎。』

阿肯將身體向後一仰，表情充滿著輕蔑。

『呢條友真係好麻煩...要搞掂佢應該要花唔少時間...』

阿傑說得沒錯，阿肯真的是發瘋了，他準備殺掉我們所有人...

「你究竟將李小姐...點樣...」

『李小姐？哈哈...』阿肯冷笑一聲
『你見到佢部手機應該大概知乜事啦？我都係靠佢部手機先搵到你。』

原來手機裝了追蹤器...？！這下真的是失策了...

『李小姐...佢算係比較易處理既一個，我諗佢到最後一刻都唔清楚發生乜事，
不過...只要可以永遠陪住屋企人，佢都應該滿足架啦。』

「陪屋企人...？」

她的家人不是在海難中離開了嗎？阿肯這樣說...莫非...

「你...」我緊閉著雙眼，不願意想像下去
「...點解可以咁狠心...灰仔係咁...李小姐又係咁...」

『你地...仲有其他人係點，我根本就唔在乎，我在乎既只係自己。』

「但而家係殺人...」

重新張開雙眼瞪著阿肯，他現在的笑容已經褪去。

『我有無講過自己點解會成為守衡者？』阿肯問『就係因為...殺左一個唔應該殺既人。』

什麼...？

『由個一刻開始，我已經無得返轉頭，殺幾多個人都係一樣。』

說罷，他站起身，看來是準備離開...？

何婉君

08/06/2013 03:15

訓之前會寫多一兩篇

有心無默

08/06/2013 03:19

『好好享受你餘下既時光，揚生，反正...你唔避得好耐，至少劇本唔係咁安排。』

劇本？他當這只是一場遊戲嗎？

「你一定唔會成功...」對他的宣言，我總算鼓起勇氣回應。

『哈...睇下點，揚生呀揚生，我已經想像緊你絕望既表情係點。』

他狡黠地一笑，然後就轉身離開。

我絲毫沒有勝利的感覺，反而...他奸詐的笑容，讓我愈來愈感到不安...
應該是有甚麼不妥，但我總是想不起來...

到底...

──If time is all I have I'll waste it all on you...

就像命運安排一樣，手機鈴聲在這刻響起，打來的人是...

『喂？哥，我諗到一陣食乜啦！』

「吓...？」因為現在的狀況，我完全忘了自己約好和阿妹吃午餐

『嘻，就係食吉列豬扒！有個靚女同你食豬扒係咪好開心呢...哈哈哈...』

「咪住...阿妹...今日我唔係咁方便...可唔可以改期...」

『吓？點解啊？』

「好難解釋...總之...就係今日唔可以...」

『但係，我已經黎到你屋企樓下啦喎...不如...』

阿妹的話還未完結，但我已經聽不下去。

在我家樓下。

因為，我已經明白阿肯那個笑容，還有劇本代表著什麼。

我猛地站起身，因為動作太大，吸引到身旁的人注意，但我已經顧不了這麼多...

「阿妹！聽我講！唔好去我屋企，快啲走，見到多人既地方就行埋去...」

『吓？哈...』阿妹裝作輕鬆地笑了聲『阿哥你搞咩呀...』

「我認真架！妳而家既處境好危險！」

『唔好嚇我啦...好地地點會...吖！？』

阿妹尖叫了一聲，我心知不妙，恐懼感前所未有般巨大。

別嚇我...千萬不要...

『揚生，』通話裡，換了那個男人的聲音

『話左你唔逃避得好耐。』

有心無默

08/06/2013 03:42

今晚到呢到先