我清醒了，全部影像逐漸淡化，回歸到被火紅勇士折磨既現實。而家我確切咁了解野生Bella既經歷，身體好似無左痛既感覺，我問佢：「你相信有天堂嘛？」佢認真回答：「以前以為無，而家覺得有。」「嗯，咁我地天堂等。」火紅勇士既必殺技已經準備好，我微笑靜待死亡既來臨，當刀鋒快要貫穿我既身體，野生Bella突然擅自解除輕裝甲擋左喺我前面，佢回頭同我道別：「多謝你。」
失去雙手既我只能眼睜睜睇住太刀轟落野生Bella既體內，火紅勇士將佢當戰利品咁舉起，輕挑咁對野生Bella講：「咈咈咈，向我求饒既話或者可以放過你。」虛弱既野生Bella搖搖頭，一啖口水吐埋去。火紅勇士將火焰注入太刀，野生Bella既身體被焚燒，一點一點咁化做星塵，佢用最後一口氣將紙烏龜放生，嘴裡極力想同我講些甚麼：「你要好好咁生存落去...」但尚未講完就消失左。
剛才既畫面不斷重演喺腦內，我感到整個宇宙好似停頓左，當我意識到將會永遠失去最心愛既人，精神徹底咁崩潰。我失聲地咆哮，喚醒左沈睡中既潛能，下體發出耀眼既強光，令虛擬既沙漠空間逐漸崩塌，火紅戰士罕有咁露出恐懼既表情：「勇...勇士の尻尾...？」佢未黎得及閃避，已經俾強光吞噬，而我進入左狂暴狀態，無左自主能力，最後昏倒喺原來既火山洞裡。
![[sosad]](/faces/sosad.gif)
![[banghead]](/faces/banghead.gif)
