喺返屋企既路途上我既血一點一滴地流失，我覺得非常暈眩，但係呢刻我唔可以跌低，因為一跌低就唔知幾時先醒得返，美好既佛誕就會白白咁斷送。你地幾時聽過牛郎織女會放棄？佢地年復一年咁走過雀橋為既就係扑一次野，我IASB點解就唔可以拚死咁為粒Seed？諗到呢到唔知哪來的力量，我撐到返屋企。
返到屋企我立即用男子漢既方式止血，你地有無用過獅子油？只要俾獅子油淋過既傷口，就算係關公都要叫聲Kimochi。我一支又一支咁淋落去，再痛再痛我都無發出任何呻吟，然後隨手拎起老母塊護舒寶Up落去，傷口暫時得到治療。
我望住千辛萬苦得到既Keyboard，有種莫名既感動。我忍住睪丸之痛小心翼翼咁拆開包裝，斗大一個F5映入眼簾，我覺得一切都係值得的。我戰戰競競咁連接Usb再開啟電腦，唔知咩原因，今次部電腦Load得特別慢，中間仲有好多稀奇既符號流過，類似古代召喚師用既文字。
我滿臉狐疑地檢查包裝袋上既說明，上面只有一片空白，但當我睪丸上既血唔覺意流到落去，又好似若隱若現咁有一道光。我索性將塊護舒寶躂上去，果然幾道光集結成影像，但係整個畫面滿佈雪花，跟本睇唔清楚，我大概只估到係關於一個少女既故仔。
當影像消失，我既電腦剛好登錄到桌面。我馬上開出大量既高登Post，準備漫長既F5之路。須知道F5就同吸毒既心癮一樣，就算你知道佢幾負面，你對佢幾討厭，你都會不斷不斷咁禁落去。我吸一口大氣，用力拍上新買既Keyboard，就喺呢個時候Keyboard中間突然岔開，兩邊慢慢伸出一對手，下半部伸出一對腳，頭既部分則由F5組成：「主人你好，歡迎使用F5高科技裝置，請問有咩吩咐呢？」
![[sosad]](/faces/sosad.gif)
