【2】千萬別試圖改變過去，不然賠上的可不單是性命...

有心無默

15/05/2013 17:41

第二個post，原來加埋已經寫左接近3萬字，

上個post有各位支持，竟然突破左100正評 #adore#

但比起正評，其實我更加希望各位多d留言，
特別係無左起底功能之後，真係睇得出成個講故台留言量係明顯少左...

留言先係作者最大既動力來源，希望鍾意呢個故既各位可以多多留言啦！

========================================================

回顧：

千萬別試圖改變過去，不然賠上的可不單是性命...
http://forum.hkgolden.com/view.aspx?type=SY&message=4418077

劇情簡介：

主角阿揚，自從三年前一次旅行意外失去女朋友小玥後，
整個人變得內向和頹廢，還能看到常理無法解釋的「幻覺」，
好不容易從劇變習慣過來，卻發現自己被捲入一連串神奇事件，
並且被告知自己擁有穿越時空的能力，利用這能力，就能夠拯救小玥...

然而，主角很快就知道，真正改變過去的方法，並不如想像般簡單...

人物介紹：（粉字為劇透）

阿揚－故事男主角，自意外失去女朋友後，變得內向和頹廢，還能看到「幻覺」。
小玥－阿揚女朋友，三年前因為一次意外離世。
阿妹－小玥的親妹，與阿揚的關係如親兄妹一樣。
阿肯－守衡者，愛戴鴨舌帽，不修邊幅，性格雖然惡劣，卻意外地擁有領導能力。
灰仔－守衡者，雖然不顯眼，偷竊和行動力卻非常高。
阿傑－守衡者，戴著眼鏡的他外表老實，而且非常聰明。
李小姐－守衡者，個性正經，外表如冰般的美人，能夠預測到時間可能產生的變化。
冬伯－前守衡者，成功改變過去，救回十多年前離世的妻子。

有心無默

15/05/2013 17:49

8.

當晚，我向父母還有阿妹交代自己會重新開始讀書，
他們見到我這樣積極，也沒有什麼微言，反而是相當高興。

翌日，我返回公司辭職，心裡面絲毫沒有不捨，
或許，我早已經想這樣做，只是遲遲找不到一個理由。

做好準備之後，下一步，我直接回到EMIT。

『阿揚，』阿傑看到我並沒有太大驚喜『你終於黎喇。』

「嗯，我已經決定好。」我點頭道

『我知，呢層當然知，我一直都只係諗緊你會幾時黎。』

「你...一早已經估到我會加入你地？」

『唔單止我，仲有其他人。』阿傑大概看到我不解，繼續解釋：
『如果你無加入既話，我唔信會出現未來阿肯返黎搵你既呢一步，
亦因為佢地有搵你，你先會加入，我地先會有你既資料，所有事情至會一直發展落去

雖然作為守衡者，係唔應該接受「因果」，
但事實就係咁。好喇，跟我入黎。係呢，你個傷好返喇？』

「已經完全癒合，多謝關心。」我回話得相當冷淡，

雖然已經下定決心，但我完全沒打算和這伙人結下很深的交情，
即使是看起來最善意的阿傑也是一樣。

阿傑也好像注意到我的態度，他笑了笑，在打開會議室門前開口說：

『我明你諗緊乜，其實我都係一樣。對我黎講，你地只係合作...
衰啲講句就係利用既工具，絕對唔會，亦無可能成為真心朋友，同埋...』

阿傑他瞄了眼門的另一面，有一刻我注意到他的臉上出現了陰霾。

『要攪知道一點，我地每個人都有自己既秘密，其他人都唔會知得詳細，
關於你既事情亦一樣，我地只係了解到你女朋友因意外而死既地步，

點解發生，過程係點，之後係點，我地一概唔清楚，所以...
你呢個做法係好正確，無論點，都唔好100%相信呢到任何一個人，包括我在內。』

有心無默

15/05/2013 17:53

推開大門，我注意到會議室裡面只有灰仔一個。

『正式介紹，我叫做阿傑，佢係灰仔，記住一點，真名我地多數係唔會講出黎。』

攪不好，我的資料是當中被透露得最多的。

『阿肯同李小姐都唔係到，佢地去左為下一個任務做準備。』

「係我加入之前，仲有幾個問題想問清楚先。」

『隨便。』阿傑非常客氣地說

「你地點樣知道有人想改變過去？」

『我地咪講過每個人都有能力，例如灰仔既存在感唔高，
但係偷竊同行動力都係相當優勢，而阿肯佢就有好既領導能力同判斷...』

「佢？」我嗤之以鼻，實在無法想像他那種人有領導能力

『唔好睇少佢，係重要關頭，佢既判斷真係非常準確，
至少李小姐，佢既能力同你一樣都係比較特殊，
佢能夠預測到時間線可能產生既變動─幾時變動，邊到變動，
然後我地根據呢點，多次實地研究，最後搵出意圖改變未來既人係邊個。』

阿傑解釋到這裡，再次笑了笑，

『講起呢點，我地注意到你上次穿越個陣無用到眼鏡就定左「時間點」。』

「係，個陣實在太激動...激動到醒唔起，好彩最後都返到黎，」

『未必係好彩。』阿傑反駁『正常要搵個合適既人係唔容易，
而做錯呢一步可能係相當致命，但你竟然係錯誤既情況下搵到岩既人，
或者呢次成功並唔係偶然，而係另一種天賦...你仲有無其他問題？』

「有，我諗左好耐，始終想像唔到點解阻止改變過去就可以達成願望，
照常理，你阻止人改變過去，只係令任何事情都無發生過...唔係咩？」

游錯去南極

15/05/2013 17:56

文

桃廊

15/05/2013 18:02

1001

黑框文學士

15/05/2013 18:12

1001

新post咁快要1001 [sosad]

?

有心無默

15/05/2013 18:16

阿傑苦惱起來，大概在想一個合適的解釋方法，然後：

『嗯...咁講會清晰少少，阿揚有無玩過爭凳仔遊戲？』

「爭凳仔？」我回想「中學某一年既聖誕聯歡曾經玩過。」

『假設產生一條平行世界係需要特定既能量，就當係五張凳仔，
而去爭既人除左我地五個，仲有其餘五個有穿越時空能力既人，加埋十個。』

我腦海不禁浮現出爭凳仔的畫面，場景是中學的班房。

『假設我地唔用正常既途徑去爭，甚至唔選擇爭，而係係限時之前，
將其餘五個人完全撇除，咁個五張凳仔就好自然屬於我地。』

「但我地點知道邊幾個先係同我地爭既人？」

『我地唔會知道，所以先要一直咁阻止落去，直到自己成功...就好似冬伯一樣。』

「咁樣...」我決定提出最大的憂慮「你話係完全撇除，意思係咪即係殺人？」

我瞄了眼灰仔，他再次垂頭盯著地毯。

『我唔否認，殺人係慣常既手段。』阿傑淡淡地說
『你要清楚，要捉一個能夠穿越時空既人係相當困難，
就好似我地咁，只要搵到一道物理定義能稱為門既物體，就可以穿返黎。』

果然...是這樣嗎...我再次想起巴士爆炸事件，
當時阿肯和灰仔在現場，肯定不是單純搶我手機這麼簡單...那麼...

那個從巴士走出來，全身著火的人...難道就是我們將來要殺的人？

『所以你要有呢個心理準備。』

「好，最後一個問題，係問灰仔。」我將目光轉向灰仔，

迫於無奈，他這次仰起頭，看著我時神情閃縮。

「上次穿越，我準備入紀念品店之前，
注意旁邊牆身有寫上STOP既塗鴉，係唔係你噴上去？』

『吓？』灰仔聽到後大感疑惑『STOP既塗鴉？唔係...我無...』

「我當時有種感覺，個塗鴉係為左阻止我入去，唔係你地做？」

回答我的是阿傑。

『我記憶中，阿肯只係叫灰仔一直留係店入面埋伏你，
佢應該無做到其他野，亦無呢個膽量，會唔會係你意識過度？』

紫醉貓迷

15/05/2013 18:25

新post再留名

好耐無見

有心無默

15/05/2013 18:33

新post再留名

好耐無見

真係好耐

汪精衛填海

15/05/2013 18:39

皮已正

米妮

15/05/2013 18:46

有心無默

15/05/2013 19:01

麥趣河

15/05/2013 19:08

LM

有一天小毛毛

15/05/2013 19:17

好好睇呀好好睇呀好好睇 #good#

Btw我以為個stop係主角之後再返多次去噴的 ?_?

有心無默

15/05/2013 19:26

意識過剩？若果沒出現幻覺的話，的確可能是這樣...

「但係，係因為幻覺出現，先會令我發現到個塗鴉係存在...」

『你話幻覺...？』阿傑眼神變得銳利『你等陣...』

他打開會議桌上的一部筆記型電腦，點開網頁介面，然後連上...

「google map？」我大感訝異

『無錯，google map...』

阿傑很輕易地就從地圖上找到紀念品店那一條大街，
大概他們當初要阻止我，也是做了一定的資料搜查吧...

『紀念品店旁邊既牆身...』阿傑用滑鼠扭動大約180度之後『係咪指呢到？』

「係...」我盯著實景圖片，石磚牆身並沒有紅色噴漆的塗鴉，

『上面無你所指既STOP塗鴉...呢張圖片既拍攝日期係2009年6月...』

阿傑右手握著滑鼠，左手托著下巴，開始呢喃自語：

『...即係塗鴉係2009年6月至到2010年4月之間噴上去...
相差十個月，若果派人去觀察下都唔係唔得...只係需要準備...』

「咁即係代表乜...？」我不解地問

『假設你個憂慮係真，咁我地既存在可能已經有第三者知道
係唔清楚是敵是友既情況下，咁係好危險，睇黎有必要同阿肯商量下...』

阿傑停了話，因為注意到黑房那邊傳來了動靜。

『一講就到，應該係佢地返黎喇。』

有心無默

15/05/2013 19:55

好好睇呀好好睇呀好好睇 #good#

Btw我以為個stop係主角之後再返多次去噴的 ?_?