其實我幾唔鐘意人地話我套故似未來日記
身為寫手既我最忌諱既就係抄襲呢家野
我好怕比人話我抄人橋
我承認某幾個角色既個性同套野其中幾個人好似,而且又係殺人遊戲
甚至老實講,我呢套故既構思都係睇完未來日記而得黎
因為咁,我曾經掙扎過要唔要繼續寫落去
我再寫,都唔會有人會話我諗橋諗得好,而係話我拾人牙慧...
但我夠膽講,成個故既劇情鋪排,遊戲規則,仲有角色間既互動,都花左我好多時間同心血去諗
希望大家唔好以比較的眼光去睇
我套故係連接升降機的殺戳,唔係未來日記外傳
但係無可否認既係先入為主既情況十分嚴重
有睇過未來日記者既視感十分嚴重
我用返D例子黎答
大逃殺,未來日記,東之eden一比之下
同樣的玩法，一樣係一開始有能力配給
但係完全無個種既視感，可能係人設關係，亦可能有其他原因
每一樣野都有個selling point係上面
好明顯地你個selling point仲未賣到出黎個陣已經比強烈既視感取代左
你應該要諗下點樣去改善呢個問題
如果唔係一直都會比未來日記個故事比下去
主要係人設,同埋個故事流程主要都係弱勢男被強勢女拯救
其實我覺得幾冤枉
君不見網游故,屍故,冒險式RPG故等等都係千篇一律,但係正因為佢地已經量產左,所以就算劇情冇驚喜,都仲有市場
但係我套故除左人設有D似,同埋都係互相殺人之外
遊戲設定方面我真係落左好多心機...
算啦,被比下去都冇辦法...我既劇情已經PLAN好哂,亦都唔打算轉
未來日記漫畫本身最大特點就係, 女主角強男主角較弱, 而且女主角無緣無故地鍾意+維護男主角
呢個係區分未來日記與其他同類漫畫最大既分別, 而呢一點每個睇過未來日記既人既印象都會好深
如果有一套作品, 佢係用返以上呢一個setting, 再加上其他相似既地方, 咁就好易令人聯想起未來日記
公道D講句, 如果日後高登有人出一套小說, 背景係校園, 要同學帶頸圈/頭圈/手圈, 要同學各自廝殺, 兩個主角都係有點曖昧互相鍾意大家, 咁都一樣好易俾人話好似大逃殺
在於我黎講, 我係有睇未來日記既, 咁我都好自然會聯想到未來日記
但我都相信樓主係呢個setting之下都有自己既創作, 所以我都唔講出聲
![[sosad]](/faces/sosad.gif)
![[banghead]](/faces/banghead.gif)
