「你知唔知我哋個Hostel有Hall雞？」搭Lift時，Kevin突然間咁問我。

「吓？乜原來真係有Hall雞㗎？」我驚奇地反問，我一直以為呢個只係都市傳說……

突然間「叮」一聲，部Lift已經落到地下，Lift門徐徐打開咗，迎面而嚟嘅係一個米六左右、身形瘦削嘅女仔，我由下向上慢慢打量：黑色窄牛、白色Tee、若隱若現嘅粉藍Bra、一條雪白嘅頸、一頭淺啡色嘅短髮……直到我同佢有咗眼神交流，我望到佢眼入面有一絲不悅，直直咁睥住我，我迴避佢嘅眼神由佢身旁走過。

喺Lift門關上前一刻，我回頭望咗佢一眼，佢仍然係望實我，直到Lift門完全關上，佢嘅眼神消失咗喺Lift嘅夾縫之間。

「嘩屌你！啱啱果條女咪就係我講果隻Hall雞囉，你仲咁撚大聲！」Kevin將個頭哄埋我耳邊講。

「喂大佬我鬼知咩！又唔早響！不過條女又唔錯喎……」

「呢條女叫Candy，讀緊Year two，我O Camp果陣聽啲師兄講嘅。」Kevin愈講愈大聲。

「做咩咁興奮？你想叫咩？」我用手肘頂咗Kevin一吓。

「梗係唔係啦！我洗叫雞？上堂啦仆街！」

果一次，係完咗啲O Camp之後，開學嘅第一日，我同佢嘅第一次邂逅……

老實講，大學生活比我想像中更加平平無奇，因為我冇打算上庄、加入學生會之類，識嘅朋友亦都唔多，而Kevin係我喺O Camp識嘅第一個朋友，佢份人幾Out-going，同我恰恰相反，所以有唔少朋友。不過性格上大家又幾夾，所以好自然咁一齊玩。

原本我嘅大學生活應該係好平平無奇，一帆風順，但呢個情況只係維持咗四日，直到星期五嘅一個Lecture，我又再遇到佢……

留名

留名

果堂Lecture，由Year one至到Year two嘅學生都有，係一個容納到大約二百人嘅演講廳，返咗學未夠一個禮拜嘅我，當然揀個對正中間Screen嘅位方便聽書抄筆記。亦由於新嚟新豬肉，我早咗成十分鐘就到咗演講廳，果陣成個Lecture都係小貓三四隻，我行到中間果行想搵位坐，突然間我發現到果行有一個好熟悉嘅身影，一頭短啡髮、一條雪白嘅頸……正默默地整理緊啲Note，我行近坐低，先發覺原來佢係Candy。

我同佢中間隔咗一個位，我一諗起果日喺部隔音咁差嘅Lift度咁大聲講「Hall雞」，一開門就見到佢睥實我，情況實在相當老尷，當我發現係佢嘅時候，我真係好想拔足狂奔，調去第二個位，但男人老狗冇理由咁失霸氣，而且香港人不嬲笑貧不笑娼，就算係Hall雞，都係一個值得尊重嘅行業。

大家諗吓一個女仔出生喺一個老豆爛賭、老母走佬嘅家庭，為咗滿足對知識嘅渴求同改善生活而寒窗苦讀仲入埋大學，但因為老豆爛賭又唔返工，屋企仲有個弱智細佬等佢賺錢返嚟開飯，為咗幫補家計同埋交大學學費而被迫處女下海去做Hall雞，用冰晶玉潔嘅身軀去換取其他Hea讀大學嘅仆街二世祖嘅零用錢，平衡社會資源，何嘗唔是一份高尚嘅情操？

正當我因為接受唔到一個咁靚嘅女仔要做Hall雞而為佢編作冠冕堂皇嘅理由嘅時候，突然間一把柔得嚟帶點女性剛強嘅聲音打破咗我嘅思緒：「同學，點解你冇Note嘅？你係咪Freshman嚟？」

我抬頭望向佢，一時之間呆咗答唔上嘴，佢化咗一抹淡淡嘅妝，大眼、細鼻、薄唇……靚女應該有嘅條件佢都有齊，原來望真啲Candy真係幾正……咪住！佢上次唔係好憎我嘅咩？點解今日咁Nice聊我講嘢？唔通佢唔記得咗我？

「Eh……係呀，我係Freshman嚟，啲Note邊度有得拎㗎？」我口窒窒咁嘔咗幾隻字出嚟，盡顯毒撚本色。

「呢份Note要Moddle下載再Print出嚟，堂堂都要印㗎！下次記住嘞。」佢好Nice，Nice到我有點不知所措……

呢一刻我唔知做乜變咗有自信的毒男，問咗佢一句：「係呢，你一間得唔得閒？不如教我去印啦？」

「吓……」佢猶豫咗一陣。

屌，今次仆街了……

留名

Hell雞

留名

LM

地獄雞

留名

留名

hell 雞

留名

留名

留名

笑點出現鳥

Hell

「應該冇問題嘅，不過我得一個鐘食Lunch。」Candy應承咗我，但又不忘暗示我想快啲搞掂。

「係呢，未知你叫咩名，我叫Jack呀。」我做咗一段毒撚式而且明知故問嘅自我介紹。

「你可以叫我Candy，我讀Year two㗎。你好似好面善咁嘅？」

「吓？可能我個樣太大眾化掛？出街招牌都壓死幾廿個啦，哈哈……」我乾笑咗幾聲轉移視線，廢事佢認得出我。

「不如你坐過嚟啦，有咩唔明嘅問我可以方便啲。」佢將我右手邊果個位嘅枱仔拉起咗，暗示叫我坐過去。

我心諗：大學果然係大學，連啲Hall雞都有浸書卷味，服務又做到咁足，識得開拓客源，真不愧為高等學府，唔知砌佢果陣佢會唔會一邊吟詩作對呢。

就係咁，呢一堂兩個鐘嘅Lecture喺我不斷問問題之下好快渡過咗，佢咁親切誠懇嘅態度真係好難令人相信佢係性工作者，到底會唔會係Kevin放流料呢？又或者呢啲只不過係門面功夫、服務態度？呢一刻我冇諗咁多，只係見步行步，跟咗佢去圖書館印碌屎。

途中我哋一路有講有笑，雖然我講嘢口窒窒，但佢真係好Talk得。

「係呢，你住咩Hall㗎？」突然間佢話鋒一轉，問咗一條問題。

呢個問題俾咗我一種問卷妹嘅感覺，一開頭問你呢樣果樣同你扮熟，點知原來最後係Sell保險！我Feel到伏伏哋，不過既然人哋問到冇理由唔答㗎，於是我話：「我住喺四號Hall㗎，做咩咁問？」

「咦？我都係喎！又會咁啱嘅！可以得閒出嚟食宵夜。」

呢句嘢嘅潛台詞，無非都係：「得閒出嚟執返劑。」當然我知道世界上冇免費午餐，遇到呢啲情況，我唯有轉話題：「係呢，點解住咗成個禮拜都未見過你嘅？」我講咗個大話，扮晒從來冇見過佢。

「係咩？因為其實我成日都唔喺Hall㗎……」佢眼神有一絲閃縮，唔通Hall雞只係佢Part-time，佢出面仲有份一樓一正職？洗唔洗咁勤力呀！

Lm