Poly_Peater
04/01/2012 02:03
LM 九世無追
「阿理…你…你染返黑髮？」我好驚訝咁望住黑髮既阿理
『係…自從…個件事之後。』
個件事，應該係指佢媽媽過身既事…
「嗯…但黑髮返都好呀…你…你原本咁靚仔…金髮太誇啦...」
『過獎啦。』阿理笑住講
「咁…你呢期過成點？」我望一望周圍「不如你坐低傾啦…反正無乜客…」
『嗯…』阿理坐係我對面…『整理完後事之後…而家…得返我一個…
不過有個親戚幫我申請左一d資助…再加我開始返打工…所以都無問題。』
「咁就好…」
『但…但係一個人住都係好寂寞啦。』阿理繼續講
「嗯…我明白…幾個月前我都好似你咁…一個人住…」
『但至少…妳爸爸係一個好人嘛。』阿理講…
「嗯…」
無錯，阿理爸爸係阿理好細個就久人周身債，之後就拋棄阿理兩母子…
佢兩個一直相依為命…但而家阿理媽媽都去左…
所以就得返阿理一個人…
比起佢…我真係好好多…
『常餐呀！』老陳放低d野食…之後就行開
「我…我都未叫。」我好驚訝，望住阿理
『其實我見妳入黎就幫妳叫定…妳唔會唔高興可？』阿理講
我笑一笑「點…點會呢，多謝你就真！」
之後我就開始食野…阿理就行開左...
嗯…明明肚餓…但又唔係好有胃口…而且頭都仲係好暈…
『係呢…我見妳好似唔多開心咁…』食到一半，阿理又坐返低…
「無…我無事…」我講大話...
『呃…咁可能係我多心啦…』
阿彥…
「我…我食完啦…要返去先…」我拎起張單，同阿理揮手…
『拜拜…』
出到餐廳…我又再次一個人…
返去…返去邊？
我知道樂宜一定係屋企等更我…佢一定將件事講比芷螢同堂姐知…
我唔想面對…我…我好想逃避…
行下行下…又越黎越頭暈…最後行到去樓下既公園…
我又隨便再搵個位坐…天好黑…周圍無人…
負面情緒又開始湧上黎…阿彥…嗚...我...我好痛苦...
原…原來失戀就係咁…
樂…樂宜…原來妳曾經都咁痛苦…
『家蔚！』遠處有個人影行埋我到…係…係咪阿彥…
係咪...佢終於黎搵我...？
但唔係...
『家蔚…妳…』係阿理…佢好擔心咁望住我…
嗯…點會係阿彥呢…哈哈...佢已經…已經唔會再搵我…
連電話都無打比我已經證明左…
嗚…
『妳真係好唔妥…我見妳係餐廳已經面紅紅！』阿理放隻手係我頭顱『妳發燒呀！』
「我…我無事…」原來發燒…唔怪得咁暈…
考試完…壓力一放鬆就遇到個件事…唔病…先出奇…
『妳屋企係邊？家蔚？等我送妳返去啦。』阿理繼續講
「唔…唔洗…我…我唔想返去…」至少今日…我唔想返去…
『但…但咁樣…妳唔掂嫁！』
「我唔想返呀！」我大嗌…即刻覺得更加暈…
『咁…咁…』阿理不知所措…『唉！妳不如黎我屋企啦！』
「唔…唔好…咁阻住你…」
『咪又係得我一個！我屋企都無其他人…』阿理講『留妳係街頭我就一定唔放心啦！』
「咁…」而家係信任既問題…我…我係女仔…去男仔屋企始終唔係咁好…
但…但我唔想返屋企…又無可能真係留係街…
我…我唔知點…
『唔好諗啦！』阿理捉住我隻手，拉起我『我屋企都有藥…可以比你食…』
之後發生乜事…我都唔係記得太清楚…
到我醒返…我訓係一張床上面…蓋住被…頭上面有冰袋…
呢…呢到係邊到？
新post留命
無默兄加速
聽日繼續
邦彥
Rilakkumabb
04/01/2012 02:26
留名
Rilakkumabb
04/01/2012 02:27
留名
係人屋企 唔會比人食豬掛
係人屋企 唔會比人食豬掛
唔會掛, 襯人病, 食人豬 仲 "冚埋被…頭上面有冰袋… "
係人屋企 唔會比人食豬掛
唔會掛, 襯人病, 食人豬 仲 "冚埋被…頭上面有冰袋… "
正到爆,正左皮.比埋酒
主角性格好鮮明.
比想像中堅強喎
其他人點念唔知,但去到呢到95分走唔甩
加油
唔知大家冷靜過後,
邦彥會唔會接受番主角
kay同樂宜會唔會和好
一起身就上高登追post
留名
LM
希望阿kay有報應
係人屋企 唔會比人食豬掛
唔會掛, 襯人病, 食人豬 仲 "冚埋被…頭上面有冰袋… "
劇情應該唔會發展到咁雙重打擊掛
