點解我會轉左去表妹間學校，就要由返個日講起：
而家係八月八日，星期一既夜晚。
我同邦彥坐更巴士，而家佢送更我返屋企。
途中我地都無講到野，我覺得邦彥應該為左禮貌，所以先無帶耳筒聽歌，
應該搵d野講下…嗯…加油…陳家蔚…勇敢d...
「係…係囉…」我口窒窒「點解…點解邦彥你會係海旁既？」
『我岩岩去搵人。』邦彥好簡單咁答
「哦…」我個心即刻沉左一沉「咁最後搵唔搵到？」
搵人…唔通係女仔？唔會掛…
一諗起我個心就有ｄ忐忑不安，呢種感覺...唔通係...
『搵唔到。』邦彥搖搖頭『唔好講呢d啦…咁點解妳又會係海旁？』
「我…我…出黎散下心…」我細細聲講
而家回想返，其實岩岩一見到邦彥就攬實人喊真係一件好尷尬既事…
但…真係好溫暖…
一諗起…個心就跳得好快...
我啊…睇黎真係…有少少鍾意左佢。
『咁岩岩應該舒服返d啦…將所有野都喊哂出黎。』邦彥講
「嗯…真係唔該哂…」
『唔係…呢個係我既榮幸先岩…』邦彥微微笑道
「嗯…」邦彥...真係好溫柔...
而且…我仲想繼續依靠…
唔知我地既經歷…夠唔夠將關係延續落去呢…
我覺得眼前呢個男人…係值得將所有野都交托比佢…
當然包括…嗯…我...陳家蔚最重要既野...女仔最重要既野…
鏡頭一轉，邦彥就送到我去樓下。
『咁我送到呢到啦…妳自己應該識上去？』邦彥有點擔心咁問
「邦…邦彥…」我仲係好緊張…「賞…賞面上去飲杯野嘛？當…當多謝你岩岩借個人比我喊…」
『會唔會唔係咁好？』邦彥呢句說話令我諗起紫晴，佢都講過類似既野
『妳屋企人應該係到？帶個男仔上去好似…』
「唔會…我屋企人遲返…而…」我發現我塊臉越黎越熱「而且…我信得過你…」
『咁…咁坐一陣啦…』
我暗自下左個決定…
竟然下定決心要繼續做女仔…繼續做陳家蔚…咁就要做返一件事…
當係象徵都好…當係標誌都好…
一件女仔先會體驗到既事…
已經無言![[yipes]](/faces/yipes.gif)
![[sosad]](/faces/sosad.gif)
不過幾刺激，真正由男變女
不過我覺得今次應該唔會有全程多
![[photo]](/faces/photo.gif)
