leave name

成個新年假流流長, 你交得果幾篇似乎懶左D 喎

5 d la

上水未呀hihi

唔撚浦頭.屌你老母

大家唔好咁激話樓主la.....話哂佢都係想創作d 好文出來....so 耐左d

不過話時話......樓主你又真係潛左係邊....

j 都凍哂...頸都長埋.....

btw~~幾時再有吊西米果d 場合~~

樓主永久潛水

樓主垃撚完圾未?

[194]
我帶住失落既心情, 去到一間酒店入面既咖啡廳
係果度, 阿杰同Jade同上次一樣, 已經坐左係度等緊我
打招乎之前, 我收一收起左心情, 扮到若無其事
我︰喂, 唔好意思, 我又遲到
阿杰︰喂, 龜
Jade︰hello
阿杰︰做乜咁好死主動搵我地呀?
我︰Jade囉, 果次見完佢, 就成鬼日掛住佢, 阿杰呀, 點解你會識到d咁有氣質既女人架?
Jade︰哈~
阿杰︰嘩, 咁口花既今次, 果次見你, 都唔覺你吼住佢架wo
我︰今日我著得型仔d嘛, 有自信咪口花d囉
Jade︰嗯, 今日望落係唔錯wo
阿杰︰喂喂, 你地互挑得架啦, 我係咪要返屋企先呀
眾人︰哈哈哈~

我地三個人無無聊聊, 由Jade之前搞party遇到既趣事到講身邊仇人既壞話, 我地差唔多乜都可以講一餐
言談之間, 我對Jade多左一份了解, 我覺得佢係果種好需要快樂既人
無論你身份係咩人, 年齡係幾多歲, 佢都可以同你做朋友, 只要開心就得
而且我見Jade同我地傾得咁開心, 於是我望一望阿杰, 又諗一諗自己
我懷疑佢特別鍾意埋d後生仔堆, 同埋有舖鍾意後生仔既癮
點解? 因為有後生仔係身邊, 咪可以更顯得佢自己重係好青春囉

應酬既說話講到咁上下, 我開始搵位入今次約會既目的
我︰唉, 咪講笑, 呢排精神壓力真係好大, 人都癲...
阿杰(說笑)︰喂, 你果份工好閒咋wo, 你咁都死得人?
我︰屌, 上次單野呀?
阿杰︰?
Jade︰係咪果次你話你畀個舊同學騷擾呀?
我︰咪係囉...頂...!真係痴撚線...!
Jade︰乜而家重有搞住你咩?
我︰有啦, 呢幾日係樓下見到佢tim呀
阿杰︰嘩, 阿荃搞咩呀, 咁撚喪?佢似係果d咩呀, 果d唔識追女仔既毒男呀!果d男仔咪伏係個女仔出現既地方, 成日偷望個女仔既!
Jade︰係呀係呀!見過見過!
阿杰︰似撚到十足呀!
Jade︰哈哈, 你講到好衰呀!

雖然我知道阿杰冇惡意, 係為左搞氣氛先會開個咁既玩笑
但佢開既玩笑, 令我不其然諗返起Jessie同我講過, 話阿荃打暈左我次後, 摸過我, 又打過飛機
屌, 成個人又虛一虛......
阿杰︰喂, 又唔駛咁愁wo
我︰唉...你試下做我...
Jade︰駛唔駛我幫手呀?

Jade呢一問, 中哂我既諗法, 我可以唔客氣咁向佢提出請求了
我︰其實我有個諗法, 但我要知道佢個地址先...

[195]
我︰我要知道佢個地址先...
阿杰︰你要佢個地址黎做咩呀?
我︰其實我識得阿荃個妹, 我想帶埋佢個妹去搵佢, 然後將件事講清楚佢
阿杰︰呃...咁...
我︰本來我早就想託佢個妹幫我搞掂件事架喇, 但無奈自從阿荃電話騷擾我果日起, 佢個妹就搵唔到佢, 而呢幾日係樓下見到阿荃, 每次一見佢佢就走, 追都追唔切...
Jade︰其實唔係唔得既...
我︰呀...?
Jade︰不過你個朋友可能已經有d精神問題, 你上去果時最好帶多幾個人
我︰Jade, 你真係可以幫我搵到佢既地址呀?
Jade︰可以既, 我叫警館果度d同事幫我查下咪得囉, 好容易, 以前都試過
我︰喂, 係就真係多謝哂你呀, 我以身相許都冇問題呀!
Jade︰哈哈, 拿, 我記住架喇!

搞掂, 話都冇咁易, Jade真係一個好大方既人
我開始考慮, 不如真係搵日報答下佢先
阿杰︰喂Jade, 你真係幫佢搵呀?
我︰...?
Jade︰做咩呀?唔好咩?

阿杰沈默左一陣, 好似有口難言, 然之後佢靠近Jade, 細細聲講
我有唔好既預感, 阿杰好似反對我既提議咁, 但係點解呢?
阿杰講完野, 坐返好個人, 而Jade聽完之後就靜靜咁冇出到聲
阿杰︰阿龜呀...
我︰唔?
阿杰︰其實唔係唔想阿Jade幫你, 不過你知啦, 呢d事, 始終唔係咁好既
我︰我淨係想查下個地址咋wo, 阿Jade又話唔難既
阿杰︰其實唔係Jade講既咁簡單架
我︰喂, 佢話以前試過架wo, 有咩咁唔簡單呀?
阿杰︰唔係咁好架
我︰喂, 為左我, 幫我搵一次, 都唔得?
阿杰閉起雙眼, 搖搖頭
而Jade就依然冇講過一句野

屌你老母屎忽鬼阿杰, 冇啦啦係度扮正義, 冇啦啦係度扮一等公民?!
我對阿杰既舉動不明所以, 佢所講既, 佢所擔心既, 唔似係佢所為
Jade︰唔好意思呀...呀龜...一係你擔心既話...咪報警備案囉...
我︰備案?係我出事之後, 等d人知可能係佢做既咁呀?
Jade︰......
我︰咁唔駛啦......(不屑)算!我自己搞返!

阿杰, Jade感到我係度發緊脾氣, 所以佢地都唔再敢講d咩
而家個氣氛好硬, 好死, 大家都好似再打唔開第個話題
阿杰︰我去一去洗手間...

阿杰可能係想避一避風頭, 藉故行開
但我真係頂唔順, 越諗越嬲, 於是我都跟埋一份
Jade︰龜你去邊呀?
我冇回答Jade就行開左, 追向阿杰

我︰喂, 咩事呀?
阿杰轉身望向我
阿杰︰咦?
我︰你同Jade擔心d乜呀?真係唔可以幫到我咩?
阿杰︰真係唔得呀
我︰喂, 唔係wo, 你講丫, 驚d咩先?

阿杰語窒, 笑左一笑, 就好似係度恥笑我蠢, 講極都唔明咁
我︰你之前又叫我搵Jade幫手既?
阿杰︰

阿杰︰但唔係咁樣幫呀嘛
我︰咁佢可以點幫我呀?幫我打九九九呀?
阿杰︰嗤...
我︰咁緊係咁樣幫架啦!
阿杰︰唉, 唔想同你嘈...
我︰喂, 你都未講, 驚咩, 點解唔講得呀?

我個心裡頭感覺怪怪的, 總覺得阿杰好似有事瞞我
就當我想再追過去果時, 我見到阿杰反而向後退左幾步
阿杰(恐慌)︰點解...點解你係度...?!

我細意一睇, 企左係阿杰面前既, 竟然係有全...

其實我好想知,呢個古仔究竟同死亡屌西有咩關係?