[187]
有全︰(認真)所以要快!
我︰(深呼吸)你想我點做...
有全︰(嚴肅)有個地方...墳州...你去果度...搵佢個頭出黎...
我︰(錯愕)咩話...?
有全︰(傻笑)搵到佢個頭之後... 呃...(猶豫)係...你敲碎佢...敲碎佢應該得...!
我︰(疑惑)......
有全所講既野越來越神化, 我本來打算唔理咁多, 等佢講多D先再嘗試理解...
但係講到而家, 我覺得成件事, 已經唔係我呢種常人所能夠解得通...
之不過都聽左咁耐, 如果有全佢淨係想問我有咩意見既話, 我會好樂意咁話︰
「屌你痴乜撚線!」
有全︰(高興)你打算幾時出發呀...?
我︰(語窒)呃...我會盡快架喇...
有全︰(激動)唔得!今日就要去!冇時間喇!
我︰(氣結)......
有全︰(思前想後)唔好喇...我諗我地今晚一齊去...
我︰(慌張)喂...咪住...者...者係...你話果個咩地方呀...我地都要D地間搵下佢係邊架...
有全︰(冷卻)係WO...係邊架...
我︰咪係囉...
有全︰(自言自語)死喇...點算...
我︰(小心)喂...阿全...
有全︰(反應)唔?
我︰(試探)其實我諗緊...你頭先一直話要害你既果個人...係咪講緊少荃...?
有全︰(激動)唔係!佢唔係少荃!
我︰(受驚)......
有全︰(凝重)我淨係知道佢個名咋...
我︰(奇怪)佢個名...?
有全︰(傻笑)哈...佢叫殊...
我︰(留心)......
叔婆︰(大聲)阿全!
叔婆既一句話, 打斷左我同有全對話間沈重既氣氛...
我望向叔婆個方向, 睇見佢氣沖沖咁走向有全
叔婆︰阿全!你又同人地亂講D咩呀?
有全︰(皺眉, 難言)......
叔婆︰(對我)哈...唔好意思呀, 阿雞係咪呀?同先阿全仔同你講左D咩黎?
我︰......
我望一望有全, 佢向我搖搖頭, 示意我唔好講出去
但係有全既舉動被叔婆發現, 叔婆連環咁拍打左佢幾下, 搞到自己氣都喘埋
叔婆︰(強裝笑容)哈...阿雞呀...阿全係咪講左D奇怪野呢...?
有全︰(皺眉)......
我︰(難為)呃...都唔係...
叔婆︰嘿, 唔好意思呀, 阿全係咁架喇, 自細就愛亂諗野, 又亂講野!
有全︰(忍耐)......
我︰(難為)......
叔婆︰呢排呀, 佢同佢阿叔嘈交, 又話佢要去死呀, 乜乜乜乜!我呀, 我就真係畀佢激死!
我︰(尷尬)哈...係咩...
有全︰(氣憤)我去廁所!
我︰喂...
惱羞成怒既有全, 一支箭咁標左去廁所...
而當我想追既時候, Jessie隻手搭左落我膊落度...
Jessie︰我有D野想同你商量下...
我︰...?
![[369n]](/faces/newyear/369.gif)
![[3692n]](/faces/newyear/3692.gif)
![[bouncern]](/faces/newyear/bouncer.gif)
![[sosad2n]](/faces/newyear/sosad2.gif)
