https://hk.news.yahoo.com/%E9%9B%BB%E5%BD%B1%E5%B0%88%E9%A0%81%E9%AC%A7%E7%88%86%E4%BB%8A%E5%B9%B4%E6%B8%AF%E7%94%A2%E8%B3%80%E6%AD%B2%E7%89%87-%E5%BC%B5%E7%B9%BC%E8%81%B0%E7%95%99%E8%A8%80%E6%9D%AF%E8%91%9B-%E7%B6%B2%E6%B0%91%E7%95%99%E8%A8%80%E8%AD%B0%E8%AB%96%E7%B4%9B%E7%B4%9B-040259731.html

今年港產賀歲片數量上雖然同往年差唔多，但票房數字就唔多理想。三套賀歲片《臨時決鬥》、《祥賭必贏》及《麻雀女王追男仔》票房都唔過一千萬元。因此有意見認為香港電影市場未必再需要賀歲片。







專門評論香港電影嘅Facebook專頁「港唔斷戲」，尋日就發文批評今年嘅港產賀歲片，票房差係合理。該專業指「今年嘅香港賀歲片，票房差係合理......我自己只係睇咗三套入面嘅0.7套，純粹諗住應下節，但最後都要睇到我中途離場，真係差同尷尬到睇唔曬......新年流流都要人發火，唔尊重觀眾，觀眾最後都係會離棄你。要搞返好香港電影，就係愈爛嘅牌，就要愈用心打，打爭氣波，但而家好似就係背道而馳，賀歲檔唔再係／唔應該係粗製濫造用嚟吸錢嘅工具，有麝自然香，拍得好就死都幫你推返生，要相信新時代觀眾嘅慧眼，差嘅就擺乜檔期都係曇花一現，搵咩人宣傳，都係死路一條。2025年對香港電影同戲院，都應該係艱難嘅一年，共勉」。

https://www.facebook.com/hkmoviesneverdie/posts/pfbid02J5c44oFuYmV3ev57QmAs9vHvDCRNYhKwZNeSwmxTj9htbXoY6J7tz4Ccznzk4JSKl

有份參演今年賀歲片《祥賭必贏》嘅張繼聰，就係呢篇帖文下邊留言，寫到「今次係我最後一次睇你嘅page」」，再加個揮手emoji，似乎甚為不滿。由於張繼聰有份演出賀歲片，有網友認為張繼聰唔應該帶頭杯葛該專頁，「人哋評論下套戲啫，你就要咁小家」、「如果咁溫和嘅批評都唔聽得淨係可以讚叻叻講加油？」。

亦有人認為，「港唔斷戲」提到自己只係睇咗三套賀歲片入邊嘅0.7套，然後就批評今年港產賀歲片質素，「票房差係合理」，似乎係以偏概全。而Ben Sir歐陽偉豪都有留言話「三套，每套都0.7套，定係三套有兩套睇晒，一套只睇0.7套？」。

張繼聰發文指事情已發酵　非小氣唔接受批評：我接受嘅都超乎常人

https://www.hk01.com/%E5%8D%B3%E6%99%82%E5%A8%9B%E6%A8%82/1100472/%E5%BC%B5%E7%B9%BC%E8%81%B0%E7%99%BC%E6%96%87%E6%8C%87%E4%BA%8B%E6%83%85%E5%B7%B2%E7%99%BC%E9%85%B5-%E9%9D%9E%E5%B0%8F%E6%B0%A3%E5%94%94%E6%8E%A5%E5%8F%97%E6%89%B9%E8%A9%95-%E6%88%91%E6%8E%A5%E5%8F%97%E5%98%85%E9%83%BD%E8%B6%85%E4%B9%8E%E5%B8%B8%E4%BA%BA



今年的賀歲檔電影有三部，分別是《臨時決鬥》、《祥賭必贏》及《麻雀女王追男仔》，但整體票房都屬於比較差。而昨日（4日）就有寫開電影評論的社交平台發文踩今年的香港賀歲片，連張繼聰都現身表示感受。



Facebook專頁「港唔斷戲」昨日發文表示：「今年嘅香港賀歲片，票房差係合理...... 我自己只係睇咗三套入面嘅0.7套，純粹諗住應下節，但最後都要睇到我中途離場，真係差同尷尬到睇唔曬......新年流流都要人發火，唔尊重觀眾，觀眾最後都係會離棄你。」該專頁的言論立即引起今年三部賀歲片的其中一個主演張繼聰留意，他到該專頁留言：「今次係我最後一次睇你嘅page 」。



張繼聰隨後再發文：「坦誠分享內心嘅睇法，希望大家明白。」張繼聰於片中先向大家拜年，之後就講到有關專頁回覆的事宜，他表示自己平時對這些都不太作回應，但今次想了一會，因為事件已經發酵，所以決定回應事件。他先指現今的電影工業正處於不理想的狀態，之後就表示演員與影評人的關係是很重要的：「我覺得其實影評人好重要個原因係，其實我哋以前喺演藝學院讀書嘅時候，都有需要去受訓練點成為一個評論員，即係其中一個課題就係我哋要睇好多戲啊，要寫報告啊，即係學下點揀點樣去睇一套戲啊。所以我覺得影評嘅重要性就好似一個導遊咁，有啲朋友未接觸到部電影嘅本身，或者接觸到個電影嘅一啲宣傳嘅第一重，我哋係需要一啲影評人去導讀，或者睇完一套戲之後去介紹下佢從咩角度切入去欣賞一套電影。」

https://www.instagram.com/p/DFr69m6SP4h/

張繼聰亦表示每個人都有自己的自由，不一定要一方面的讚，因為各有品味，而且是一件很主觀的事情來。他用水果來比喻：「先撇除即係如果我做咗只蕉出嚟，你一開波你就好鐘意蘋果嘅，咁咁唔使講啦，即係因為你係根本上係唔鐘意蕉㗎嘛。咁但係如果你透過即係你可以解拆畀所有觀眾聽下，呢個人做咗只蕉出嚟，佢點解做一隻蕉出嚟，點解係咁樣嘅呢，佢過程係咁樣做㗎喎，即係原來佢係佢選擇咗咁樣，我到最後只蕉係肥美啊定係有少少爛喎。如果你講到過程出嚟呢，我係最開心嘅，即係其實我有時我恨都恨睇到一啲咁樣嘅一啲影評。」



之後張繼聰繼續講到他留意到該專頁發文後，亦不少的觀眾都有一些比較負面的睇法：「即係好似全部戲都唔值得睇咁！」他指如果發文者真的支持香港電影，並非這樣發文。他笑指有留意到現在有網民說他很「小氣」，不接受批評：「其實呢十幾廿年我接受嘅批評都已經係合理嘅無理嘅我諗都超乎常人㗎啦，咁所以我點會唔接受批評呢？我亦都覺得即係批評好重要，即係唔好講批評啦，睇法好重要。有陣時我畀錢我都要去進修，我都要去學點樣可以好啲，咁所以絕對唔係小氣，絕對唔係唔接受批評囉。」



張繼聰認為該專頁其實可以有另外的做法，可以令到整件事會更好：「如果大家都係同一行，真係想呢行好啲嘅話呢，其實就可唔可以有另外一個方法去導讀，因為每一個影評人你都有fans，你哋都真係有人會睇，一啲先入為主嘅睇法係真係會，人都係主觀㗎嘛，即係咁都係會影響。」



最後張繼聰亦有分享今次為什麼會有這個舉動，因為他的朋友都覺得很意外：「我諗可能再多個原因就係，即係喺好多普羅大眾嚟講，其實呢一套只不過即係或者呢一輪我哋好努力去做，只不過係一套電影囉。但係喺我嘅眼中即係呢個係我哋嘅行業，真係唔係一套普通電影咁簡單，我哋行業面對緊好嚴峻嘅一個情況。」張繼聰指自己其非情緒勒索，更指認識他的人就知道他拍戲很認真，很認真對待自己的職業：「我做戲做咗，由我想做一個演員開始係17歲，我今年45歲，即係我做咗廿幾三十年都。唔計我五歲開始做戲，越做得耐呢，你就會越有自己嘅睇法，我覺得作為一個表演嘅人，你一定要係有自己嘅睇法。一定會有好多人同你講好多嘢，我又讀書嘅時候，我已經同我自己講，我要建立我自己嘅風格。」

不如話香港市場根本唔需要港產片

最後張繼聰表示「我唔睇個page啫」，大家可以繼續看的，他不看港產片，大家還是可以繼續看的，各有自由的。

諗下黃子華果D點解收得先
再睇下呢兜賀歲片既模式係咪要變
唔可以淨係純粹嘻嘻哈哈咁

一係香港人厭倦左呢種罐頭快樂
二係新香港人跟本唔會去睇,或者直接返大劣睇
三係後生既唔會睇呢d,長戲,人地碌ig, 睇絲紅書,reel, short 果d都成日

唗錢拍垃圾就抵你死
張成日自命自己幾好戲乜乜柒柒
成日懷才不遇咁款
死得返
返去比人叫返謝生算啦
無謝安琪無人識你

講到自己咁有睇法，又唔見佢走去寫吓影評

咁你套野真係垃圾嘛

證明你無市場囉
好多唔一定好好睇既戲都有唔錯既票房

咁應該用咩角度去欣賞?

唔好睇就屌架啦
上年飯氣攻心2都無咁多人屌啦
今年呢幾套見到張poster 望埋個戲名已經免費都唔想睇
你d野唔得就係唔得架啦
唔得都要讚
咁咪呃鳩個page d讀者

上面話垃圾嗰啲有冇睇先，未睇就知垃圾？
不過某啲導演又真係垃圾

利申：3套都冇睇，唔會評論套戲係咪垃圾

王晶 葉念深 龜頭bob 呢d黃金組合你慢慢浪費生命去睇啦

所以咪睇影評人comment

呢條姓張都好低能，明明人哋真金白銀買飛睇，套套都頂唔順，一肚氣寫幾句發洩，你就話咁撚叻寫影評啦

佢唔寫唔等於唔識評，好似佢留言嗰句仲九唔搭八，咪又係情緒
再者賀歲片係俾大眾娛樂，有乜好評？啲人睇完屌你老母咪評咗囉，尷尬呀，冇氣氛呀，夠未呀？賀歲片嚟架咋

我屙d屎唔臭 食落仲有士多啤梨味
你唔食？你唔食點知
唔知就唔好批評
快d試下先

影評人just a joke,都係收錢唱好
好似,石琪:弱智

其實兩面都on9
如果寫影評係你工作,幾on9你都要睇
一係就唔好講

免費都唔睇, SOR9Y

我就睇咗臨同祥，臨基本上垃圾，古生演嘅角色不嬲都垃圾甚至龍捲風都演到好垃圾，如果唔係有秦拳成分我唔會入，得王丹兒做得唔錯，娜姐冇波扣50分。
祥都係垃圾，係張繼聰同朱康救返晒套戲，後尾忠奸角反高潮嗰幾幕覺得又幾ok喎，之後聽返訪問原來係拍緊嗰時見到2位演演吓有啲feel臨時決定改劇本的。

有意見認為香港電影市場未必再需要賀歲片<<



公映日期：2023年1月21日

謝繼聰
廢柴老公

個page屬於邊個嘅呢？
好似水已笠除底褲投降

點解今次唔出動 pr 幫吓手？

三套陣容拍一套有一千萬

個page只係睇咗0.7套就掃埋其他，係有啲一竹竿打一船人。
但謝生就咁一句冇營養嘅留言同啲hater嘅冇建設性批評冇咩分別，如果佢留言係留自己嗰篇點應該會好啲。