個什麼 32 歲，

CLS, 燈到……


轟鏝猁全死

無眼光鳩買，抵佢輸

一次半次可能係無眼光鳩買
次次都燈就唔知點評論

用感覺買波的經典例子, 反正上網出po唔使錢ge

J神又俾全世界屌緊

個別表現：

積臣 - 球隊失分，前鋒入唔到波，肯定走唔甩會變代罪羔羊。

射門 (命中)：7 (3)
預計入球：1.11*
射門機會創造：7
禁區內觸球數：10*
接收傳送 / 前傳： 23 / 6 (比例26%*)
嘗試過人：5 (2)
地面對抗：9 (4)

或者你會同其他人一樣，埋怨積臣射唔入。包括馬杜基傳俾門前的積臣而佢炒高；頭鎚攻門但射太正被擋出；9次射門得3下命中，3下炒空晒射左俾觀眾。但呢一切一切都係建基於佢有能力搵到起腳機會。

積臣的無球走動一季比一季做得好，身位同腳下功夫都有明顯的進步，今場的助攻都係積臣自己突破三人的包圍，再用直線傳俾彭馬造成的入球。如果單方面責怪積臣，又未免過於嚴苛。

撇除呢個助攻，積臣今場係前線亦貢獻左好多機會，無論係禁區內製造混亂，定係用身位去拖延對手等等，都算係做足左本份之餘做埋其他人果份。

當然大家講得無錯的係，現代足球其實無咁多空間俾前鋒浪費，特別係英超比賽，當你殺唔死對手，下一個死的可能就係你。


卡些度 - 再勁的球員都總有水土不服的一日。

前傳數：2
地面對抗：7 (4)
嘗試過人：1 (1)
傳球阻擋：2
清波：2
鏟斷：1
搶回球權：3

今場只可以話唔係卡些度的日子。久違地由佢出任右閘，工作係進攻階段內切去中場，防守階段先堵塞中場再回後填補右閘空缺。不過明顯地卡些度各種工作都做唔夠。

進攻階段，卡些度未有效咁協助球隊連接到後場同前場，有效的前傳只有2次，以中後場球員平均5.31黎講係唔合格，呢部份的工作就變成要交由安素去分擔。

然後去到防守階段，防守數據都話左你知卡些度未能有效阻止對手推進，就算個波無人看管，今場卡些度都未能有效咁搶回球權，各種數據的低下直接或間接令馬蛇決定要換走佢。

而狀態差的原因，其一可能係病 - 上場無被列入名單就係因為佢同馬杜基病左，缺席左兩節操練。另一個原因，可能係戰術安排引致。但無論係邊一樣都好，車路士都應該要諗下卡些度無態的時候要用邊個去代替佢。


安素 - 可能好多人無留意，我地的離婚戰士先係今場車路士的核心。

射門：2 (1)
預計入球：0.12
預計助攻：0.24
射門機會創造：11*
奪回球權：11*
地面對抗：9 (6)*
接收傳球：50*
關鍵傳球：7*
傳入禁區：7*
向前傳送：13*
觸球數：74*

彭馬係前線的能力太過優秀，以致鏡頭的目光都集中係彭馬身上，但其實安素係近5場的不勝比賽之中都付出左好多去維持車路士的表現。

上面的數據算係對安素的一種認同，當卡些度因為位置的問題承擔唔起中場的軸輪，安素就挺身而出做埋卡些度果份。50次成為隊友傳送的目標，全場造出高達11次的射門機會，亦負起左第一點掃蕩的工作，包括全隊最多的奪回球權、地面對抗。

除左無入球助攻去證明自己，安素的表現絕對值得大家俾返個Credit。

總結：

本身有諗過要唔要係艾殊邦、古古尼亞、拉維亞甚至係馬杜基身上著墨，但係佢地的表現又未至於有咁多著筆的空間，拉維亞話就話係輸波罪人，但係同時佢係中場節奏控制上功不可沒，下半場換走佢之後球隊的效率的確有明顯的下滑。呢部份就交俾球迷用自己對眼睇清楚。

另一邊，中堅的問題已經係車路士長久以來的弱點，自從泰亞高施華離隊之後，缺乏領袖的防線往往變成我地缺堤的主因。今個冬窗都頻頻傳出交易的消息，到底車路士會再抽卡定係買一個即食的中堅呢？前場的把握力同樣係老問題，呢方面怕且要等領隊做更多調整。

當然，領隊自己都要考慮點樣跨過呢個低潮，車迷繼續俾耐性等球隊反彈啦。

利伸:近期淨係睇左對精工全場，其他都係睇精華
近呢幾場都係有頭威冇尾陣，我覺係防守出左問題，咁岩就同大火傷出時間差唔多，係唔係因為兵長新拍檔一時係tosin，近兩場係阿邦，未同新拍檔夾好默契所以有問題呢？

如果話無影響就一定係呃你ge
但只係因為之前我地後面失幾多, 前面就入返幾多去掩蓋件事
馬蛇換人唔夠決斷, 戰術上有缺失都係事實

我覺得光頭佬責任佔左九成，佢絕對可以做得更好，而唔係ON99係度儲印花唔郁

如果夏天毒撚同冇腦是但買一件起碼焗攻果時可以換出黎打雙箭頭
而家一個阿嬌明顯太嫩一個nkk就疊埋心水踢德超
就算馬蛇想禁制都真係做唔到咩變化出黎

都係老問題, 我唔覺得後備有邊個出黎之後可以做得更好

先講12碼之後的狀態
明知的係彭馬狀態下滑, 防線唔集中
左邊有突入無射門, 右邊獨食無成果, 正前有跑動無把握力
丼哥錯位連靈魂都錯埋
全隊正常少少的就係得兵長, 古古同安素

拉維亞夠鐘, 用丼哥企返正防中, 換入經理已經係一步唔錯的棋
收起邦邦換入賭神都係正常操作, 但以上兩樣只係止血, 唔夠提升全隊狀態

前面彭馬就算差左都未有人及得上佢
安素唔換得, NKK換入無保證好得過J神

呢度馬蛇最大的讓步已經係用尼圖換入碼弟, 但明顯賭輸左
第二個馬蛇的賭博係換走丼哥入紅仔踢全攻型, 呢招都同樣失敗

不如問, 仲可以點換?

同感, 所以而家想追電話佬唔係無理由, 總監擺明係想係市場上搵一個自己的毒撚

Mad係架，廢咋嘛

屌啦夏天買毒撚冇腦都係40m
一早買左而家唔洗咁麻煩

果時無腦好接近架, 你轟彈人鐘咋嘛...

話說要賣果班真係全部都無入名單, 好盡喎

驚有暗病, 應該要彈

唔要冇腦整件毒撚都好呀

抵屌 上半埸拉開到2球可能唔洗和

RJ球波靚撚到 士氣波嚟

其實我唔明屌人的準則係邊...
明明我覺得今場後防的責任大過前場...

我篇文都有寫, J神成條數都靚, 就只係無入波
丼哥成條數都差, 仲要輸個12鹿連士氣都賠埋出去
邦邦失位又攔唔住, 成場都無發揮作用
菜神最過分, 直接傳俾對手射又有, 近柱又係佢封唔晒先輸

然後你地居然係屌J神先?

普通球迷視覺好簡單，只要你果D機會入多一球拉開優勢，隊波就唔駛踢得咁辛苦

而呢樣野係J神身上發生過好多次，想唔屌都好難