屌你老母, 又要做雞, 又想拎貞節牌坊
[Fabrizio Romano] Understand Renato Veiga’s now rejecting permanent move away from Chelsea. He’s only keen on a loan move in January to join another top club to play for 6 months as CB, with BVB leading the race. Renato insists he doesn’t want to leave Chelsea on permanent deal.
貼住部份先, 球員詳細之後再寫：
4場英超不勝的車路士喺主場迎戰8連不敗的般尼茅夫。
第13分鐘，車路士率先打破僵局。積臣中場接應之後，連過三人展現個人能力，再送出一個精準直線，助攻彭馬單刀Fake過門將輕鬆射入。呢已經係積臣同彭馬今季第12次互相合作入球。
50分鐘，拉維亞傳送失誤，俾般尼茅夫攻入禁區，卡些度犯規送12碼，對手成功轉化為入球，1:1。
56分鐘，馬利斯卡用占士 (Reece James) 換走拉維亞，係占士自11月受傷之後第二次復出。
68分鐘，費沙 (Ryan Fraser) 一個直線，塞門約 (Antoine Semenyo) 突入禁區，擺過咗艾殊邦之後左腳勁射，令般尼茅夫反超前，1:2。
補時第5分鐘，占士主射禁區頂自由球，個波越過人牆直掛死角，幫車路士逼和。呢個入球亦係占士自2022年8月之後首次喺英超的入波。
戰術＆數據：
1) 車路士延續之前幾場的問題，只係換左個死法。第一樣當然係我講完又講講完又講的把握力不足問題 - 今場的積臣創造出全場7次射門但入唔到的記錄，係繼2017年4月迪亞高哥斯達對水晶宮(9次)之後的第二高記錄。當然對手門將的發揮超常，佢自己欠缺運氣係一回事，但當你單場的預計入球高達1.12仍然無入球，球迷就會開始質疑你。
除左積臣之外，其餘的攻擊線球員未能協助攻門都係一個弱點，左線辛祖一早就知無射門慾望，右線的馬杜基今場3次射門全部被阻擋，左右線一齊啞火就方便左般茅中堅集中精神應付彭馬同積臣。
2) 戰術佈置同換人速度 - 同樣係延續上幾場的劇本，車路士開場多數都好順。然後進入中場休息出返黎，對手進行左戰術調整，車路士就突然變成弱勢一方，問題以今場更為明顯。球員能力下降固然係一個原因，更多的部份落係馬蛇的調整太慢令車路士處於被動的狀況。一切的起點係由山齊士傳球失誤開始，到後面拉維亞自己傳失令卡些度失12碼，場邊的馬蛇亦只係頭痛醫頭地換走拉維亞。落後的時候，換人決定同樣太慢，替補的球員上陣未有充分入局同發揮作用。
除左球員要係場上靈活應對，馬蛇理應有更大的責任去進行調動，而唔係盲目令球隊處於被動先啱，攻守平衡上暫時亦未搵到第二套方案，到底車路士仲要重覆同樣的錯誤幾多次？
4) 另一方面，有別於車路士前幾場的英超對手，今場的般茅並非用體格或者人數去爆破車路士的中場，而係採用更靈活的方式進行搶迫，進入下半場對面領隊伊拉奧拿指示球隊更積極進行傳球攔截同更快的搶迫，成果都一目了然，唔止係車路士後場截到山齊士傳波，亦有捉到拉維亞的傳球路線。由拉維亞換出之後，車路士失去左中場的控制力，卡些度一個人明顯獨力難支，結果就直接瓦解左車路士前中後的連結，傳球成功率由上半場的163/193 (84%) [30次傳失] 到下半場變成 186/227 (82%) [41次傳失]，傳球失誤的升幅係36.67%，可以話相當難搞。
般茅的數據轉變同樣極為明顯，上半場只有1個射門，到下半場調整之後，就有5個射門另加一個12碼射門，預計入球由上半場的0.16升到下半場的0.55。
![[sosad]](/faces/sosad.gif)
![[sosad]lm](/faces/lomore/sosad.gif)
