琴日經過佢間嘢見到佢企喺條街度等客到好似楚楚可憐咁

今日原本諗住出墨西哥城市中心參觀一啲嘢但係拖下拖下唔夠時間去





MXN$220


MXN$130

塊扒碎濕濕咁上枱

有冇食腸仔

今次係第二個阿伯主

好乾

之前一係就係仔仔整一係就係另外一個阿叔

冇

個男仔應該知你成日影佢，佢有冇問你點解成日影佢？

冇

我成日都拎住電話上高登㗎啦

唔知佢幾時先除口罩

其他廚師都冇戴口罩

啱啱又準備好下一次旅行星期一走

阿婆有個同事辭職，老闆唔請人，叫我頂埋佢，而家返工時間冇咁得閒上高登

有冇諗過做得差啲等佢覺得要請人

咁我上司本身知我有capacity, 我返工玩高登睇股市，一個月病假一日，佢一直當睇唔到。如果我一邊玩，一邊話做唔黎，有點講唔通，我只係冇以前咁得閒姐。

咁以後都唔使請人

其實我公司嘅情況好特別，其他人係長工，得我同已辭職嘅同事係臨時工，要年年review決定續唔續約，我地兩個都係比人揸住條頸，只係我未搵到好路數姐，搵到我都會辭職。

之前間學校都係啲人走咗唔會請人, 至少英文department唔請, 但係中學部校長自己係化學科老師係化學科明明夠人又無啦啦請多個

之後講緊英文科嘅情況係差到唔同年級, 公開考試考唔同課程唔同科目（有啲係英文第一語言有啲英文第二語言有啲會考英國文學）都可以放埋一齊上堂, 然後仲要抽啲人去教戲劇. 已經唔使講每一班嘅人數都升咗（整體學生人數佢哋係可以多到喺課室裏面要坐地下, 唔夠locker要整多幾行, 唔夠班房去到上堂先發現已經有其他人用緊）

嗰陣時有諗究竟要點先至可以令到佢哋覺得佢哋係要請人

其中一個不滿佢哋走咗嘅係英文科主任嘅老婆, 佢未走之前其實都已經講緊覺得學校嘅行為似係想賣盤做靚條數. 去到疫情期間更加嚴重, 咁當然佢哋真係少咗好多學生但係佢哋不停威迫利誘個個走, 我係畀佢利誘嗰啲, 但係之後講嗰啲係講緊決定一開學辭職, 一開學一個月辭職, 聖誕假辭職, 所以你都可以想像到學校迫人走嘅情況幾嚴重. 嗰陣時我都覺得其實自己好彩, 佢畀幾十萬我利誘我做到學年尾正正常常, 之後走嗰啲冇錢收之餘唔使講唔使旨意搵人推薦, 就咁睇cv都可能出事

最後結果真係過去一年賣咗

出黎社會做嘢，邊會事事一帆風順？總會遇到不公平待遇，除非你係二世祖姐。
阿婆轉工無數，一早學識唔會同公司講感情，打工仔永遠係上司或老闆嘅工具，不過當你轉多幾份工，就知咩位置最適合自己，阿婆而家份工都算可以接受，可惜唔係長工，再轉工係遲早嘅事

所以我覺得已經幾好彩至少我走嘅時候真係正正常常理論上好嚟好去仲要無啦啦袋多幾十萬

若果係之後我啲舊同事嘅情況我都唔知會點, 我諗我最多躺平等俾人炒收錢, 但係個情況點都唔會好過我依家

依家考慮緊出年轉工, 但係轉嘅話會去第二個國家（用本地身份喺呢度搵本地工人工太低）, 但係個公民申請又唔知係咪真係五個月之後搞得掂, 同埋成功申請之後應該仲要等多幾個月攞護照, 所以都唔知搵唔穩揾定工好

可以有個仆街少少嘅做法，搵左先，如果夾唔到時候就作個靚理由唔做或延遲，到時再取捨

咁接受咗offer最後唔去的擴大把人係咁做

但係若果我再過一年之後想去返呢間嘢咪出事, 更加唔洗講唔同嘅國際學校都可以係大集團嘅一部分, 而且的國際學校唔同嘅國家好多時都有同一堆人周圍去

我覺得burning the bridges博唔過, 就算我話見到佢最近治安變壞開始內亂又或者我中咗長崎病再下一年搵佢都可以畀佢ban咗

之前出現過呢啲嘢嘅人都係本身有第二份國際學校工

其實教皇點解要留係墨西哥咁多年唔搬去其他國家住

唔係疫情關係應該一早走咗, 咁多國家都咁多防疫措施, 好少有好似墨西哥咁自由, 歐洲美國人都大量疫情期間搬去墨西哥避開防疫措施

之後又留咗咁多年冇理由唔申請埋個公民權, 但係又一路拖下拖下拖到依家都仲未搞完. 同埋若果成功申請墨西哥公民權搬去哥倫比亞住兩年又可以申請佢哋個公民權, 搬去其他拉丁美洲同埋西班牙國家都係可以快啲, 用收藏護照嘅角度嚟睇都有需要攞

日本都無防疫措施

你自己住慣香港以為日本冇

墨西哥：
冇口罩令, 冇同你講過但係邊隻口罩好
冇人用追蹤軟件
冇強制檢測
出入境唔需要隔離
出入境唔需要檢測
出入境唔需要觀察
入境唔需要測溫度
冇疫苗護照, 你想要證明自己打咗針可以等幾個月等佢出張嘢畀你. 打第三針？冇人想知冇人會畀證明你. 唔想打針？no1curr, 根本唔夠針打, 你唔打仲好, 平時畀你打針只係平日返工時間有幾個鐘畀你, 前一晚凌晨話畀你聽有呢個時段嘅發生你自己睇下同唔同到老細請假打, 請唔到你就唔好打
冇嘢需要打針先做到入到
私人活動人群聚集人數冇上限
國內唔同州分城市出入完全冇限制
你有病徵政府叫你唔好做檢測, 自己自律自我隔離14日就夠唔需要同人講, 冇人想知, 你唔係高危人士唔係呼吸困難千祈唔好去醫院, 醫生都唔好睇
追蹤病毒？唔好玩. 我做老師同一個班房入面有個學生懷疑中招驗完之後都唔會有人通知我究竟係有事定冇事, 呢個係私隱, 冇人可以話畀人聽你有冇病毒

以上係官方正式冇

以下係官方嚟講有但係實際冇遵守：

2020年3月尾要求非必要企業關閉一個月, 實際上想開嘅照開, 政府亦都冇嘗試去冚檔, 呢個要求亦都只係建議唔係法律規定

停止某啲休閒出海旅遊團, 實際上由於繼續比啲人出去釣魚旅行團正常運作只係個個申請咗釣魚牌

關閉部分公用海灘同埋山, 實際上海灘只係搵條膠帶卦住, 啲人繼續可以出去, 試過去一個沙灘有警察唔俾外地遊客入去, 但係唔單止你係當地人就入得, 你book咗沙灘附近嘅酒店房又入得, 你咩都冇只係行多三分鐘去第二條街入沙灘完全冇人阻止

要求某啲時間餐廳停止堂食, 細餐廳一直冇跟隨, 大餐廳高調公開宣佈理會政府防疫政策, 照常開放

要求學校停課, 實際上有少部分學校繼續親身上堂

你唔係想同我講上面係日本情況？

仔仔腸落幾嫩口1

珍

冇口罩令, 冇同你講過但係邊隻口罩好 　O
冇人用追蹤軟件 　O
冇強制檢測 　O
出入境唔需要隔離 　X
出入境唔需要檢測 　X
出入境唔需要觀察 　X
入境唔需要測溫度 　X
冇疫苗護照 (略 　O
冇嘢需要打針先做到入到 　O (淨係見過一兩個)
私人活動人群聚集人數冇上限 　O
國內唔同州分城市出入完全冇限制 　O
你有病徵政府叫你唔好做檢測 (略 　O
追蹤病毒？ (略 　O

企業實際上想開嘅照開 　O
實際上由旅行團正常運作 　O
實際上海灘只係搵條膠帶卦住, 啲人繼續可以出去 　O
要求某啲時間餐廳停止堂食 (略 　O

要求學校停課, 實際上有少部分學校繼續親身上堂 　O