今日凌晨時份發咗個夢,救咗個成身糞嘅女仔… - 香港高登
[登入]
威廉仔仔
引用
08/08/2022 19:56
話説,唔記得凌晨一點幾定四點幾,瞓到好熱,我就意識到發緊夢。

個夢一開始係我喺個不知明商場入面揾廁所,揾咗好耐比我喺一個類似美食廣場後面發現咗一條道通道,行入去之後好靜,好似與世隔絕咁。當我行到去廁所門口,揾緊男廁入口嘅時候,見到有個大肚婆喺我前面推門入去,我一望,有廁格有尿兜,應該男廁嚟,但點解個大肚婆會入去,然後又有男有女咁出嚟。之後聽到有人講:係咁架,依個廁所男女共用架。咁我聽完之後就推門入去。

入到去,我好驚訝點解商場入面有個咁大嘅廁所,好多洗手盤,唔係一排排嘅洗手盤,面係類似哈利波特發現愛哭鬼麥朵嗰種。近門口嘅係一排排尿兜,後面係廁格,再後面嘅係淋浴間。除咗廁格係有門之外,其餘設施都係得隔板。沐浴間有好多一支支花灑,做咁一支鐵水喉柱插喺地下,鐵水喉柱花灑側邊得兩塊隔板圍住。簡單講就係半開放式。

咁因為好急,又有男又女,加上女嘅都會用尿兜嘅關係,我揀咗去廁格,安心啲。

好快去完,咁我就揀咗個最近大門嘅洗手盤洗手,諗住一洗完手之後盡快離開。點知…就係依個時候我喺塊鏡望到其中一個廁格突然打開咗門,有個人跌咗喺地。我擰轉頭望,發現係一個全身糞水嘅女人,我嗰刻心諗:唔係掛?之前曾經喺商場遇過啲好臭,全身有污漬,條褲更加有啡色漬嘅人行過,今次仲要全身由頭到腳都係糞水嘅人,仲要只係着住件短袖衫,下身好似係內褲定短褲定無着…

嗰刻我話比自己聽要快啲洗完走,仲有希望佢唔好行過嚟。不過,事與願違,正當我走嗰刻,佢已經爬到過嚟,伸手摸咗我件衫一下…因為係白色衫,所以好明顯有撻啡色漬,但我無理咁多,急急腳走人。
威廉仔仔
引用
08/08/2022 19:57
出咗廁所門口之後,我回望佢,見到到好可憐咁望住我,而其他人好似身處平行時空咁,對佢視而不見。我望住佢猶豫咗一秒,大門關上之降,我望到地下有條水喉,所以我二話不説衝上前拎起條水喉射佢,想話幫佢沖走身上嘅糞水。沖咗好耐,好唔容易先沖甩頭髮同臉上嗰啲…望落原來佢都算後生,心諗點解會搞成咁。但我攞條水喉咁耐,佢都無動於衷,死蛇懶鱔咁攤喺地,郁都唔郁,我嗰刻嬲又唔係,話佢又唔係,我只係望住佢同佢講:你唔好放棄自己至得架!自己落力沖走啲傷痛,未來仲有希望架!

之後,我估應該幫佢沖完,比咗啲新衫佢,離開咗個神秘廁所,出咗另一個門口,地點係山洞入面但我又發現佢無咗兩對手。我明明見住佢用手整污糟我件衫。但點樣佢會無咗對手?我問自己點解會咁。

突然,我眼前景物都唔用哂,去到一個好似係好多年前嘅一個公園,一個鎮仔又或者一個鄉村嘅公園,有個旋轉木馬、小形摩天輪、滑梯之類,最令人注目嘅係有一個大舞臺。臺下面有一班居民等住睇表演。臺上有個大告示版,寫住「某某大魔術師再破顛峰」。

過咗陣,魔術師同幾個助手行出嚟,同觀眾講佢有一個比刀鋸美人更勁嘅魔術,可以比大家見到美人身體同對手分開之後亦活動自如,而且可以隨時接駁,唔會造成傷害。我起初以為又係刀鋸美人掩眼法啫,但我留意到好多個助手都唔肯行入個好似機械人嘅機關入面,最後魔術師為咗表演,捉住佢身邊嘅實習魔術師嘅手,迫佢入機關。我望清楚,原來係廁所個女仔!!我望住佢比人迫入去,扯佢雙手出嚟,然後上鎖。但我發覺你我乜都做唔到,我意識到唔係我嘅世界,除咗視覺聽覺之外,我接觸唔到嘢。

我聽到魔術師同個女仔講:你知我已經去到事業頂峰,好多人崇拜我,如果事業無突破,我就會玩完。

之後,魔術師向觀眾講:魔術開始,請比熱烈嘅掌聲你哋你偉大嘅魔術師!

一講完,佢就啟動機關,個女仔向下降,但雙手無跟住向下,好快我聽到慘叫聲!!

原來魔術師為保住自己嘅聲譽,喺諗唔到表演嘅情況下設計咗依個機關,目的只係人氣。

實習魔術師對手,夾生喺膀頭扯出,之後魔術師轉動個機關,向在場觀眾表示美人失去雙手,之後命令雙手做一啲動作。可能神經反射定點雙手有郁。但因為機械人機關係特製,無人見到血同聽到慘叫聲。

最後表演結束,魔術師放返個女仔出嚟,同佢講今日嘅事唔好同人講,之後掉咗對手同錢比佢,又講話如果即刻去醫院,應該無事駁得返。

去到醫生醫生檢查後講,因為撕裂得太勁,而且有啲位燒焦,現階級駁唔返,話之後科技勁啲可能得。個女仔唯有信個醫生,將對手雪住,等有日駁得返先解凍。

日復日,年復年,個醫生都話未有人有技術做到!錢又用盡,佢最後更變成要行乞。至於點解會出現喺個廁所,就不得而知。

之後回到現時,我話同佢去揾返個醫生,了解下咩事仲有冇機會駁。點知醫生話對手唔係佢哋嘅冷藏庫,話揾返對手就有機會。

之後大概係用咗好多錢,試過好多對手都唔成功,但佢無放棄自己。最後一齊開開心心咁生活落去。

完。

註:結局唔太記得,應該係咁。
強項死朋友
引用
08/08/2022 21:08
𨳒你老母廢𨶙事睇咁多字,直接破左你膠處𨳒你老母
豹哥
引用
08/08/2022 22:40
咁詳細#adore# #adore# #adore#
威廉仔仔
引用
09/08/2022 04:47
咁詳細#adore# #adore# #adore#

我將我記得嘅寫出嚟,但夢境真係好可怕
我寫出嚟好似寫唔到嗰種氣氛
四眼田雞
引用
12/09/2022 05:24
夢係潛意識嘅表現 證明你對女性 你覺得某啲女性好烏joe 當然同性有關
你可能覺得依家呢個年代好多女嘅好濫交[夢境:男女同一個廁所]
而某啲女嘅又好唔潔身自愛,但你認為呢啲都係為世所逼[魔術 斷手
證明你對社會上種種現象嘅不安:) :-[
四眼田雞
引用
12/09/2022 05:24
𨳒你老母廢𨶙事睇咁多字,直接破左你膠處𨳒你老母

夢係潛意識嘅表現 證明你對女性 你覺得某啲女性好烏joe 當然同性有關
你可能覺得依家呢個年代好多女嘅好濫交[夢境:男女同一個廁所]
而某啲女嘅又好唔潔身自愛,但你認為呢啲都係為世所逼[魔術 斷手
證明你對社會上種種現象嘅不安:) :-[
阿博1985
引用
12/09/2022 05:46
現實有冇見過呢個女仔?
威廉仔仔
引用
12/09/2022 13:00
夢係潛意識嘅表現 證明你對女性 你覺得某啲女性好烏joe 當然同性有關
你可能覺得依家呢個年代好多女嘅好濫交[夢境:男女同一個廁所]
而某啲女嘅又好唔潔身自愛,但你認為呢啲都係為世所逼[魔術 斷手
證明你對社會上種種現象嘅不安:) :-[

真係咁解?
我都唔知點解會發依個夢
威廉仔仔
引用
12/09/2022 13:01
現實有冇見過呢個女仔?

可能無,好似無清晰咁見到佢
前往 電腦版網頁
© 2022 HKGolden.com. All Rights Reserved.
Terms and Conditions     [email protected]